د کرکټ په چمپینز ټرافي کې افغانستان د جمعې په ورځ، فبروري ۲۸ (کب ۱۰) استرالیا ته د ۲۷۴ منډو هدف وټاکه
د پاکستان د لاهور په قذافي لوبغالي کې افغانستان د پچې له ګټلو وروسته د توپ وهنې پرېکړه وکړه.
په دې لوبه کې د افغانستان پرانیستونکي توپ وهونکي رحمت الله ګربز په صفر او ابرهیم ځدران له ۲۲ منډو کولو وروسته وسوځېدل.
ابراهیم ځدران وړمه ورځ د انګلنډ سره د افغانستان په لوبه کې وتوانېد چې په ۱۴۶ توپونو ۱۷۷ منډې وکړې. دا د چمپینز ټرافي په تاریخ کې د یو لوبغاړي لخوا په یوه لوبه کې ترټولو زیاتې منډې دي.
په نننۍ لوبه کې د افغانستان صدیق الله اتل ۸۵ منډې وکړې. عظمت الله عمرزی د ۶۷ منډو کولو وروسته وسوځېد.
فورم \ دبحث خونه