د افغانستان د مالیې وز ارت وايي، افغان حکومت په لومړي ځل په ۱۸ کلونو کې د پیسو د نړیوال وجهي صندوق "آی ایم ایف" سره د مالي او اقتصادي اصلاحاتو پروګرام په شپږو پړاونو کې بشپړ کړی دی.
وزارت وایي چې د دغو پروګرامو له لارې به څه باندې ۴۴ میلیونه ډالره له " آی ایم ایف" څخه ترلاسه کړي.
د نړیوال وجهي صندوق او افغانستان د ماليې وزارت غونډه په دوبۍ کې وه چې د افغانستان بانک مشر واحد نوشیر هم په کې برخه اخیستې وه.
ښاغلي نوشېر د امریکا غږ اشنا سره مرکه کې ویلي دي چې دا د ای ایم ایف سره د افغانستان شپږمه او وروستۍ ناسته وه او امیداوري ده چې افغانستان به د ای ایم ایف له پروگرامه بریالی ووځي.
ښاغلی نوشېر وايي چې افغانستان به د ډسمبر تر میاشتې انتظار کوي چې د دې غونډې په اړه خپل نظر څرگند کړي.
د پیسو نړیوال وجهې صندوق "آی ایم ایف" په خپل رسمي انټرنیټي پاڼه هم د مالیې وزارت دا خبر تائید کړی دی.افغان حکومت د پیسود نړیوال وجهې صندوق سره دا پروګرام په ۲۰۱۶ میلادي کال کې پیل کړ.
