د جنوبي کوریا د ملي امنیت جګپوړي سلاکار د نومبر ۲۲مه (لیندۍ ۲مه) وویل، چې روسیې شمالي کوریا ته د هوايي مدافعې پرمختلی سیسټم او میزایلونه ورکړي دي. سرچینې وايي، چې دغه وسلې د اوکراین په جګړې کې د روسي ځواکونو څخه د ملاتړ لپاره د کوریايي سرتیرو د استولو په بدل کې ورکړل شوې دي.
د امریکا د نیویارک ښار د تاریخي او هنري اثارو د نیلام په یو بازار کې دا اونۍ په دېوال پورې سریښ شوې یوه تازه کېله په ۶.۲ میلیون ډالرو وپلورل شوه.
د پاکستان د خيبر پښتونخوا ايالت په خیبر قبايلي ولسوالۍ کې سلګونه پنډيانو پر تورخم دروازه افغانستان ته د غوټو يا ګنډو پر وړلو او راوړلو د بندیز خلاف احتجاج کړی دی.
د پاکستان او چين پوځيانو په پنجاب ايالت کې ګډ تمرينونه پيل کړي چې درې اونۍ به دوام ولري. د پاکستان پوځ د عامه اړیکو دفتر (ای اېس پي ار) خبر ورکړی چې دا ګډ پوځي تمرينونه د ګجرات ولسوالۍ په پبي سيمه کې د ترهګرۍ ضد ملي مرکز کې روان دي چې د نومبر پر ۲۰ (لړم ۳۰) پيل شوي دي.
څېړونکو نن جمعه نومبر ۲۲ (لیندۍ دویمه) وویل چې په هند کې د پړانګانو او فیلانو په ګډون د حیواناتو د نظارت کیمرې، بې پیلوټه الوتکې او نوره تکنالوژي، د ښځو د ځورونې، ترهې او په هغوی د جاسوسۍ لپاره کارول کېږي.
ساینسپوهان وايي په لومړي ځل توانېدلي چې زموږ له کهکشان څخه دباندې د یو ستوري 'روښانه' تصویرونه واخلي. ددې ستوري په اړه چې له لمر څخه ۲۰۰۰ ځله لوی دی، ویل شوي چې وخت یې پای ته رسېدلی او چاودېدو ته نږدې شوی دی.
د جرمونو نړیوالې محکمې (ای سي سي) د پنجشنبې په ورځ، نومبر ۲۱ (لیندۍ لومړۍ) د اسرائیل د صدراعظم بنیامین نتنیاهو، ددغه هېواد د دفاع پخواني وزیر یواو ګالانټ او د حماس د پوځي څانګې مشر محمد ضیف د نیولو حکمونه صادر کړل.
په پاکستان کې چارواکو پنجشنبې نومبر ۲۱ (لیندۍ اوله) وویل چې وسله والو د خیبر پښتونخوا په کورمه کې د اهل تشیع د سپرلۍ په موټرونو بریدونه کړي او د ښځو او ماشومانو په ګډون لسګونه کسان وژل شوي دي.
د اوکراین چارواکي وايي مسکوپه لومړي ځل په اوکراین باندې بین البراعظمي بالستیک توغندی وار کړی خو زیاتوي چې دې توغندي اتومي وسله نه لیږدوله.
څارونکي وايي چې د سوریې د پالمیرا په تاریخي ښار کې د اسرائیل په هوايي بریدونو کې ۷۱ ایران پلوه جنګیالي وژل شوي چې دریمه برخه یې عراقیان او لبنانیان دي.
نن پنجشنبه نومبر۲۱ د متحدو عربواماراتو په ابوظهبي کې د ټي-۱۰ یا لس اوورنو د کرکټ تجارتي لیګ پیلېږي چې ۲۳ افغان لوبغاړي هم په کې دي.
د ملګرو ملتونو دوو چارواکو د رویټرز خبري اژانس ته ویلي چې دغه سازمان هڅه کوي د اقلیم له بدلون سره د مبارزې لپاره د افغانستان کنګل شوې بودجه آزاده کړي او دغه هېواد ته یې ورکړي چې د نړۍ یو له هغو هېوادونو څخه دی چې د اقلیم له بدلون سره مخامخ دی.
نور پورته کول
