په پاکستان کې د افغانستان سفیر وایې چې اوسني وسله وال د ملا عمر د وخت طالبان نه دي.
حضرت عمر زاخیلوال د امریکا غږ له ډیوه راډيو سره په یوې ځانګړې مرکې کې ویلي دي چې اوسني او پخواني طالبان توپیر لري.
د ښاغلي زاخېلوال په وینا د سولې په بدل کې باید طالبانو ته په قدرت کې برخه ورکړل شي او "عمومي بخښنه بلکل باید پکې وي."
د پاکستان او افغانستان د اړیکو په اړه دغه افغان دیپلومات وایې چې کابل او اسلام آباد له ملګرتیا پرته بله لاره نه لري.
له ډیوه راډیو سره د ښاغلي زاخېلوال بشپړه مرکه دلته لیدلئ شئ.
