د اسلامي دولت یا داعش ډلې مشر ابوبکر البغدادی زوی د سوریې د حمص په ښار کې وژل شویدی.
د اسلامي دولت د ډلې خبري چینل د سه شنبې په ورځ خبر ورکړیدی چې د ډلې د مشر البغدادي زوی یې د سوریې د حمص په ښار کې وژل شویدی.
دغه اعلامیه وایي "د خلیفه زوی یې حذیفه البدري نومیده، هغه د حمص په ښار کې د النصری او روسانو سره د جنگ په دوران کې وژل شویدی"
د داعش ډله د سوریې علویانو ته النصری وایي. د یادونې وړ ده چې د سوریې ولسمشر هم علوي شیعه مسلمان دی.