کاري لېک چې د امریکا غږ مشرۍ لپاره د متحده ایالاتو د جمهور رئیس ډونالډ ټرمپ لخوا نومول شوې ، وایي چې له امریکا غږ څخه په روانې معلوماتې جګړې کې د "واقعیت وسیلې" په توګه کار اخیستل کیدی شي.
میرمن لېک د محافظه کارانو سیاسي عمل په غونډې کې چې د پنجشنبې په ورځ پیل او د شنبې په ورځ پای ته ورسیده وویل "پدې ارزي" چې امریکا غږ ساتلو لپاره هڅه وشي.
هغې وویل، " امریکا غږ د امریکا لپاره نرم ځواک دی. ځینو کسانو یې د تړلو غوښتنه کړې او د ټول فساد سربیره چې مونږ یې وینو، زه پدې باور یم چې د دې ارزښت لري چې د هغې ( امریکا غږ) د ساتنې هڅه وشي".
لیک زیاته کړه، " د نسبتاً لږې بودجې سره او صادقانه راپور ورکولو سره، مونږ کولی شو په ټولې نړۍ کې د آزادۍ ارزښتونه خپاره کړو او د ټریلیون ډالري جګړو مخه ونیسو. زه د دې طرفداره یم".
امریکا غږ ګڼ رسنینز ستر نړیوال خبري سازمان دی چې په څه دپاسه ۴٥ ژبو هغو مخاطبینو ته پروگرامونه وړاندې کوي چې ازادو رسنیو یا هیڅ لاسرسی نلري او یا یې لاسرسی محدود دی.
د امریکا غږ چې په ١٩۴٢ کال کې تاسیس شوه، خپلو مخاطبینو ته هر اړخیز، خپلواک پوښښ او د حقایقو وړاندې کولو ته ژمنه ده. د امریکا غږ په بشپړه توگه د امریکایي مالیه ورکوونکو له لارې او د متحده ایالاتو د رسنیو نړۍ واله اداره په چوکاټ کې تمویلیږي.
فورم \ دبحث خونه