د غوښې برگر پریږدئ او خپله مځکه وژغورئ!
دا د ساینسپوهانو پیغام دی.
د اوکسفورد د پوهنتون او پوتسدام د اقلیمي اغیزې د څیړنې مرکز په گډون د بیلابیلو علمي مرکزونو ساینس پوهان وایي چې نړیوال غذایي سیستم په چاپیریال باندې اغیزه کوي او دا نتیجه گیري یې کړې ده چې د مځکې د ژغورنې لپاره خوراک بدل کړی څو نیم په نیمه کې گلخانه یي زهري گازونه کم شي.
خو له دې سره به د برگرو نه هم خوند اخلئ.
د سپزیجاتو څخه د جوړ شويو برگرو خوند او بوی بلکل د اصلي برگرو په څیر ده. د غوښې وراخوا په نوم یو انلاین ویب پانه له غوښې پرته یعنې د ترکاري برگر خرڅوي.
په کلیفورنیا کې میشت دوه شرکتونه؛ یو له غوښې اوراخوا او بل د ناممکنه خوراکونو په نوم، هڅه کوي چې خلک د غوښې په ځای، له پروتینو غني نورو خوراکونه وخوري.
د خوراک تخنیکي شرکتونه غواړي چې په چاپیریال باندې د خوراک د نړیوال تولید اغیزه کمه شي.
ملگري ملتونو دغو شرکتونو ته په خوراکونو کې د نوښت لپاره د ځمکې د اتلولی جایزه ورکړې ده.
د اوکتوبر په اوله اونۍ کې د ملگرو ملتونو د اقلیم د بدلون د برخې چارواکو یوه بیان خپور کړ چې د ٢٠٣٠ او ٢٠٥٢ کلونو په منځ کې به د مځکې د حرارت درجه یو اعشاریه پنځه سانتي گراډه لوړه شي.
دغه بیان کې راغلي چې د دغه اقلیمي بدلون سره به په نړۍ کې د گرمي ځپې، سیلابونه، توفانونه او وچکالي زیاته شي چې له امله به یې ژوندي موجودات له منځه لاړ شي.