مایکرو سافټ د مې په میاشت کې سکایپ غیر فعالوي

د مایکروسافټ شرکت جمعه فبروري ۲۸ ( کب ۱۰) ویلي چې د روان میلادي کال د مې په پنځمې نیټې د سکایپ خدمات چې د تیرو شلو کالونو راهیسې ترې د مکالمې یوې وسیلې په توګه، کار اخیستل کیده تړي.

سکایپ په ۲۰۰۳ کال کې د غږیزې او تصویري توګه خبرو کولو یوې وسیلې په توګه معرفي شو او په ۲۰۰۰ مه لسیزې کې ترې میلونونو وګړو پداسې حال کې کار اخیسته چې ګرځنده ټیلیفونه ډیر عام نه و او همدې شبکې تر ډیره حده د لین لرونکو ټیلیفونو ځای ونیوه.

خو پدې تیرو څو کالونو کې دا چې د Zoom او Slack په نامه نور اعتباري شبکې سیالۍ ته راووتې، ورسره د سکایپ کاروونکي هم کم شول.

یو دلیل یې چې د سکایپ کاروونکي کم شول دا و چې دې ټکنالوژۍ نشوی کولی د ځیرکو ګرځنده موبایلونو سره ځان عیار کاندي.

په ۲۰۱۹ کال کې د کرونا وبا پیل کیدو څخه وروسته چې ګڼ شمیر خلکو له کور څخ کار کول پیل کړل، د مایکروسافټ شرکت د سکایپ پر ځای د Teams اپلیکشن څخه کار اخیستل ډیر کړل او دا سبب شو چې ډیر خلک د سکایپ پر ځای له ټیمز څخه کار واخلي.

د Teams کاروونکي کولی شي چې د خپل نوم او پاسورډ په استعمال سره په وړیا توګه په هر ډول آلې کې لدې اپلیکیشن کار واخلي.

د مایکروسافټ شرکت دا ندي ویلي چې اوس مهال له سکایپ څخه په ټولې نړۍ کې څومره کسان کار اخلي او دا یې همدي ویلي چې د دې اپلیکیشن په تړلو سره به څومره کسان بې روزګاره شي خو دا یې ویلي چې د نوي اپلیکیشن – Teams څخه هر میاشت نږدې ۳۲۰ میلیونه وګړي کار اخلي.

مایکروسافټ په ۲۰۱۱ کال کې سکایپ په ۸.۵ میلیارده ډالره وپېر چې په هغه وخت کې یې ۱۵۰ میلونه کاروونکي درلودل خو په ۲۰۲۰ کال کې بیا یوازې ۲۳ میلیونه کاروونکو ترې کار اخیست.