د لاس رسي وړ اتصالات

انورا د اسکار د ۲۰۲۵ کال په فلمي جشن کې پنځه جایزې وګټلې


شان بیکر د فلم د لیکوال، ډایریکټر او ایډیټر په توګه درې جایزې وګټلې.
شان بیکر د فلم د لیکوال، ډایریکټر او ایډیټر په توګه درې جایزې وګټلې.

د اسکار فلمونو د جوایزو ورکولو ۹۷م جشن د یکشنبې په شپه مارچ دویمه (کب۱۲) د متحدو ایالتونو د کالیفورنیا په لاس انجلس کې وشو.

د شان بیکر فلم، انورا، د دغه فلمي جشن تر ټولو غوره فلم وپېژندل شو او د اسکار پنځه جایزې یې وګټلې.

د دغو پنځو جایزو له ډلې یې بیکر د فلم د لیکوال، ډایریکټر او ایډیټر په توګه درې جایزې او مایکي مدیسن د فلم د ښې ښځینه لوبغاړې جایزه ترلاسه کړه.

د انورا فلم د یو داسې کس د ژوند داستان دی چې په نیویارک کې جنسي کاروبار کوي.

په دغه فلم باندې شپږ میلیون ډالر لګښت راغلی دی، چې د هالیووډ د نورو فلمونو لګښتونو ته په کتو دومره ډېر نه ګڼل کېږي.

مایکي مدیسن د انورا فلم لوبغاړې
مایکي مدیسن د انورا فلم لوبغاړې

د ایران د سینما دوه فلمونه «دانه انجیر معابد» چې د ښځو د غورځنګ «ښځه، ژوند او ازادي» پ اړه و او د «در سایه سرو» د اسکار جایزو ته نومول شوي وو. د شیرین سوهاني او حسین ملایمي «در سایه سرو» فلم جایزه وګټله. دا درېیم ځل دی چې یو ایرانی فلم د اسکار جایزه ګټي.

ادرین برودي د «بروتالست» په فلم کې د ښې اداکارۍ له کبله د ښه فلمي نارینه لوبغاړي جایزه ترلاسه کړه.

له انورا څخه وروسته بروتالست ډېرې جایزې وګټلې. د ښې فلم اخیستو او ښې موسیقۍ جایزه هم دغه فلم ته ورکړل شوه.

د اسکار د ۲۰۲۵ کال د فلمونو د جایزو په کلني جشن کې کیران سولکین د دویم ښه فلمي نارینه لوبغاړي او زویي سالدانا د دویمې ښې ښځینه فلمې لوبغاړې جایزې ترلاسه کړې.

فورم \ دبحث خونه

XS
SM
MD
LG