د لاس رسي وړ اتصالات

کابل ښار کې د "اوربند" په نامه د ځغاستې سیالي


پدې سیالۍ کې شاوخوا ١٢٠ ځوانانو گډون کړی و چې له دهمزنگ نه یې تر دارلامان ماڼۍ پورې وځغاستل.

د دې سیالۍ په لاره اچوونکي وايي موخه یې افغان حکومت او وسله والو طالبانو ترمنځ د اوبند غزول دي.

حامد سلطاني د «جوانان آینده نګر» په نوم د ځوانانو یو بنسټ مسوول چې دا سیالۍ یې په لاره اچولې وه وايي زموږ دا حرکت افغانستان کې د جنګ ختمولو لپاره غږ اوچتول دي "په سولې کې خیر دی، نور له جنګه ستړي شوي یو. غواړو د دې سیالۍ په لاره اچولو سره وسله والو طالبانو ته پیام ورکړو چې د اوربند غزولو په اړه د افغان حکومت غوښتنه ومني څو په هېواد کې امن راشي."

د اوربند لپاره د ځوانانو ځغاسته
please wait

No media source currently available

0:00 0:01:50 0:00

ښاغلی سلطاني وایي ددې ډول سیالیو په لاره اچول ځوانانو ته ګټور دي. د هغه په وینا ورزش کولی شي په ټولنه کې ناخوالې لرې کړي او همپالنه رامنځ ته ګړي.

له بلې خوا محمد کریم یاقوت چې د دې سیاليو په پای کې یې لومړی مقام ګټلی دی وايي د سولې لپاره مو وځغاستل، "غواړو سوله تامین شي څو خلک په آرامه ژوند وکړي."

افغانان تېره اونۍ د افغانستان د حکومت او وسله والو طالبانو ترمنځ د درې ورځيني اوربند شاهد وو. یاد اورند د پراخو ملي او نړيوالو مثبتو غبرګونونو سره مخامخ شو.

افغانان اوس تر هر وخت نه ډېر د سولې لپاره هیله مند شوي او غواړي د دولت او وسله والو طالبانو ترمنځ اوربند وغزول شي.

XS
SM
MD
LG