د افغانستان د کورنیو چارو وزارت وايي، چې د کابل د نهمې امنیتي حوزې په یکهتوت سیمه کې د ناپیژندو وسلهوالو په ډزو کې دوه امنیتي منسوبین وژل شوي.
د دغه وزارت ویاند نصرت رحیمي وویل، نن سهار شاوخوا ۷:۳۰ دقیقې ناپیژندو وسلهوالو د امنیتي ځواکونو په موټر ډزې کړي، چې دوه امنیتي سرتیري په کې وژل شوي او درې نور ټپیان دي.
ښاغلي رحیمي څرګنده نه کړه، چې دا منسوبین کوم امنیتي ارګان پورې تړاو لري.
خو یوې سرچینې امریکا غږ ته تائید کړه، چې وژل شوي کسان د افغانستان د ملي امنیت ریاست اړوند منسوبین وو.
د کورنیو چارو وزارت ویلي، چې د پېښې د عاملینو د نیولو لپاره یې هڅې پیل کړې دي.
د دغه برید مسولیت تر اوسه چا په غاړه نه دی اخیستی.
