د امریکا په ځینو ایالتونو کې انتخاباتيمرکزونه تړل شوي دي.
د نتایجو په اساس دونالډ ټرمپ تر دې دمه د انډیانا او کانټکي په ایالتونو کې او جوبایډن د وېرمانټ په ایالت کې مخکې دي.
د امریکا د انتخاباتو په ورځ د فیسبوک او ټویټر شبکو یو شمېر خبري حسابونه او پاڼې بندې کړې. دا شبکې وايي چې دا پاڼې تازه جوړې شوې وې او د پالیسۍ خلاف یې د ټاکنو په اړه معلومات خپرول. د ټویټر اداره وايي چې ځینې تړل شوي حسابونه داسې وو چې یو ډول معلومات به یې خپرول او ځانونه یې هم مستقل ګڼل. په ټویټر کې یو تړل شوی حساب ۷۸زره مینه لرل او ۱۰زره یې تېره اونۍ د دغه حساب مینه وال شوي.
ایرن هغه امریکایۍ ده چې په خپل ژوند کې په لومړي ځل رایه ورکوي. هغه له خپلې مور سره د «مډ سیټي» د «اورلینز» په سیمه کې د رایې اچونې په مرکز کې په لیکه کې ولاړه ده چې رایه ورکړي.
#VOAElection2020