په امریکا کې د جمهوري ریاست د انتخاباتو په اړه د امریکاغږ اشنا تلویزیون ځانګړې خپرونه دلته کتلای شئ
جو بایډن د وسکانسن ایالت لس انتخاباتي رایې وګټلې. له دغو رایو سره د بایډن ټولټال انتخاباتي رایې ۲۳۷شوې. د جوبایډن سیال او د جمهوري غوښتونکو ګوند کاندید، ډونالډټرمپ انتخاباتي رایې ۲۱۳ شوې. هر کاندید چېله ۵۳۸ رایو څخه۲۷۰ انتخاباتي رایې وګټي،د امریکاولسمشر کیږي. لا هم د شپږو ایالتونو رایې بشپړې شوي نه دي او د رایو شمیرنه دوام لري.
جوبایډن د میشیګن ایالت شپاړلس انتخاباتي رایې وګټلې. له دغو رایو سره د بایډن ټولټال انتخاباتي رایې ۲۵۳ شوې. د بایډن سیال او د جمهوري غوښتونکو ګوند کاندید، ډونالډ ټرمپ انتخاباتي رایې ۲۱۳ دي. هر کاندید چې له ۵۳۸ رایو څخه ۲۷۰ انتخاباتي رایې وګټي، د امریکا ولسمشر کیږي.
تر اوسه د امریکا په شپږو ایالتونو – الاسکا، اریزونا، نوادا، جورجیا، شمالي کارولینا او پنسلوانیا – کې د انتخاباتو نتیجې ندي بشپړې شوي.
الاسکا درې، اریزونا ۱۱، نوادا شپږ، جورجیا ۱۶، شمالي کارولینا ۱۵ او پنسلوانیا ۲۰ انتخاباتي رای لري.