ولسمشر ډانلډ ټرمپ د جمعی په ورځ وویل چی دیپلوماتانو ېې په هانوی کې د شمالی کوریا له استازیو سره ډیر گټور مجلس وکړ.
ښاغلي ټرمپ په خپل ټوېټر ولیکل، دیته سترگې په لار دی چی د (شمالي کوریا) له رهبر کیم سره وگوری څو د سولی مسله پرمخ بوزي.
تردې وروسته هغه وویل چی دی به د دویم ځل لپاره د شمالی کوریا د دموکراتیک جمهوریت له مشر کېم جانگ اون سره ملاقات وکړي.
دغه ملاقات به د فبروری په ٢٧ او ٢٨ مو نېټو د ویتنام په پلازمینه هانوی کې وشی.
ولسمشر ډانلډ ټرمپ د تیرکال د مارچ راهیسی په مکرره توگه دا غوښتنه کوله چی جنوبی کوریا دې د عسکرو په لگښت کې خپله ونډه زیاته کړي.
ددې نوې موافقې له مخی به جنوبی کوریا د امریکايی عسکرو لگښت لپاره سږکال ٨٩٠ ملیون ډالر ورکوي. په جنوبی کوریا کې د امریکا د عسکرو شمیر تر اته ویشت زرو لږ زیات دی.
خو پکارده د جنوبی کوریا پارلمان د متحدو ایالاتو او جنوبی کوریا ترمنځ د لگښت د زیاتوالی دانوې موافقه منظور کړی.