نن د کرکټ شل اوریز جام په دویمه سیالۍ افغانستان د هند د ممبي په کرکټ میدان د جنوبي افریقا سره مخامخ شو. د لوبې پچه د جنوبي افریقه کپتان وګټله او خپله ېې توپ وهنه غوره کړه.
جنوبي افریقا د پینځو لوبغاړو په سوزیدو شل اورونو کې ۲۰۹ منډې وکړې.
د جنوبي افریقا مشهور لوبغاړی ابي ډي ویلیرز په ۲۹ توپونو ۶۴ منډې وکړې .کپتان ډي کاک ۴۵ او ډوپلیسي ۴۱ منډې وکړې.
افغانستان د ورکړل شوي هدف په تعقیب کې ډیره تیزه لوبه پیل کړه او د سر لوبغاړی محمد شهزاد اتلس بالونو باندې ۴۴ منډې وکړې .
د شهزاد د سوزیدو نه پس د افغانستان د منډو رفتار ګلبدین نایب هم داسې تیزې وساتلې خو ورسره نور لوبغاړي د وقفې وقفې سره سوزیدل. په لسم اور کې ېې سل منډې کړې وې او تمه کیدله چې افغانستان به دغه هدف پوره کړي.
د جنوبي افریقا کپټن فف ډوبلسي وویل چې د شهزاد لوبې له سخت فشار سره مخامخ کړي وو.
خو بیا جنوبي افریقا د بالرانو تجربه مخې ته راغله او د افغانستان وکټې ېې یو په یو اخیستل شروع کړې.
افغانستان ته هدف دومره لوړ شو چې ترسره کول ورت ګران شو.خو دومره ېې ثابته کړه چې د جنوبي افریقه غوندې تکړه ټيم خلاف یو نیم سل نه زیاتې منډې کولی شي.
اخر کې لوبه د جنوبي افریقه ټیم په ۳۷منډو وګټله. دا د کرکټ به روان نړیوال جام کې د جنوبي افریقا لومړی بری دی.
دلته هند کې کرکټ مبصرین وايي چې افغانستان د سري لنکا نه پس جنوبي افریقه غوندې قوي ټیم سره ښه مقابله وکړه. د شهزاد محمدي د توپ وهنې او محمد نبي د توپ اچونې زیاته ستاینه وشوه.
افغانستان د کرکټ د شل اوریز جام دریمه لوبه د مارچ په درویشتمه نوي دهلي کې انګلستان سره لري