د بشري حقونو د څار بنسټ افغانستان کې نجونو پر زده کړو د درېیم کال پوره کیدو سره هممهاله ویلي چې که څه هم د طالبانو له خوا د لومړنۍ دورې څه پورته دورو کې نجونو پر زده کړو بندیز په نړیواله کچه د بحثونو سبب شوی، خو حکومتونه په دې پاتې راغلي چې تراوسه ددغه بندیز د ایسته کولو لپاره یو اقدام وکړي.
د افغان میرمنو، نجونو او بشري حقونو لپاره د امریکا د متحده ایالاتو د بهرنیو چارو وزارت ځانګړې استازې رینا امیري ویلي چې افغان میرمنې د افغانستان په دننه او بهر کې د طالبانو د افراطي سیاستونو پر وړاندې د تنظیم کېدو په حال کې دي.
د پاکستان د بهرنيو چارو وزارت په پېښور کې د هغه هېواد ملي سرود ته د طالبانو د سرقونسل حافظ محب الله د نه ولاړېدو کړنه غندلې او هغه يې د ډيپلوماټيکو اصولو خلاف عمل بللی دی.
د امریکا د ملي امنیت پخوانی سلاکار جان بولټن وايي، د طالبانو له حکومت سره د متحده ایالاتو اړیکې په دې پورې اړه لري چې څوک د امریکا راتلونکې ټاکنې ګټي.
افغانستان کې د بشري مرستو د کمیدو سره هممهاله د ملګرو ملتونو د خوړو نړیوال پروګرام ویلي چې د روان ۲۰۲۴ کال ترپایه په دغه هیواد کې اړمنو کسانو ته د مرستو د چمتو کولو لپاره په بیړني ډول ۶۶۷ میلیونو ډالرو ته اړتیا لري.
د داعش د وسله والو په لاس د دایکنډي په ولایت کې د هزاره توکمو وګړو د وژلو پر وړاندې د عبرګونو په لړ کې د پاکستان په پایتخت اسلام اباد کې یو شمیر افغان معترضو میرمنو په یوه اعتراضیه غونډه کې د نړیوالې ټولنې وغوښتل چې په افغانستان کې دې پر هزاره ګانو باندې د هدفي بریدونو د بندیدو هڅه وکړي.
د نوبل د سولې د جایزې ګټوونکې ملالې یوسفزۍ په روانه اونۍ کې په نړۍ کې ښوونځیو ته د زده کوونکو د ستنیدلو سره هممهاله د زده کړو د حقونو لپاره د افغان نجونو د مبارزې ستاینه کړې او ویلي دي چې د طالبانو پر وړاندې په دې مبارزه کې هغوی یوازې نه دي.
د جرمني د کورنیو چارو وزیرې ننسي فایزر یکشنبه سپټمبر ۱۵ ( وږي ۲۵) وویل چې د هغو افغان کډوالو ایستلو لپاره د پروازونو بندوبست شوی چې پدې هیواد کې په جدي جنایت او سرغړاونو تورن شوي.
افغانستان کې د ملګرو ملتونو د خوړو د نړیوال پروګرام مشرې شاو وې لي د چین پر سرحد کې د بدخشان ولایت واخان ته د سفر وروسته ویلي چې په دغه سیمه کې خلک د خوراکي توکو د سخت کمښت سره مخ دي.
د طالبانو د حکومت د دفاع وزارت لوی درستیز یو ځل بیا د پخواني رژیم د ړنګیدو پر مهال له افغانستان څخه د افغان پیلوټانو له خوا ددغه هیواد دوو ګاونډیو اوزبیکستان او تاجیکستان ته د سلګونو الوتکو او هلیکوپترونو د انتقال مسلې یادونه کړې او خبرداری یې ورکړی چې افغانان خپل حق چاته نه بخښي.
د پاکستان د بهرنیو چارو وزارت په یوه اعلامیه کې ویلي چې د افغانستان لپاره ددغه هیواد ځانګړی استازی اصف درانی د سپټمبر له لسم ( وږي ۲۰) څخه وروسته نور ددغه هیواد ځانګړی استازی نه دی اوله دندې ګوښه کړای شوی دی.
د طالبانو د مشر ملا هبت الله اخوندزاده له خوا د امربالمعروف او نهی عن المنکر د نوي قانون په توشیح کولو په نړیواله کچه پردغه قانون باندې د انتقادونو وروسته د طالبانو د حکومت د عدلیې وزارت خبرداری ورکړی چې که هرڅوک د شرعي قوانینوسره مخالفت وکړي محکمو ته به معرفي شي.
نور پورته کول