په پاکستان کې د پښتون ژغورنې تحریک د مشرانو او غړیو برسیره د بشري حقونو فعالانو او ډلو په اسلام اباد کې د دغه تحریک د ملاتړو بندي کول غیر قانوني بللي او په سختو ټکو یې غندلې.
د پاکستان حکومت د هغې نه وروسته چې د پښتون تحریک د روان کال د جنورۍ په میاشتې کې د پښتنو د حقونو لپاره احتجاجونه پیل کړیدي، په بیلا بیلو سیمو کې د تحریک ملاتړي نیولي دي.
د پاکستان حکومت په وروستیو کې د پښتنو د ژغورنې تحریک یا PTM په لسگونه تنه ملاتړې محصلین نیولې دي.
منظور پښتین چې د PTM مشر دی، دغه شمیر ٣٧ ښیي.
محسن داوړ امریکا غږ ته وویل چې په اسلام اباد کې د خپلو ملگرو په غیر قانوني توگه د نیول کیدو په ضد به احتجاجونه کوي.
منظور پښتین په خپل فیسبک په اردو ژبه کې لیکلې چې د پاکستان د اساسي قوانینو په اساس په دغه ملک کې په یو چا د غدارۍ تور د پارلمان د منظورۍ نه وروسته لگول کیږي. هغه وویل چې د اسلام اباد پولیسو ٣٧ پښتانه محصلین پرته د قانوني اصولو د درناوې، په اډیاله بندیخانې کې بندیان کړیدي.
د دغو محصلینو د نیول کیدو خلاف په ټولنیزو رسنیو ځینو پاکستاني لیکوالانو او د حقونو فعالینو هم احتجاج وکړ.
د PTM فعالې غړې ثنا اعجاز په خپل فیس بک د دغو نیول شوو کسانو لسټ خپور کړ.
#ReleasePTMactivists Here is complete list of arrested students by Islamabad Police.1. Niamatullah s/o Riaz Muhammad, Loralai (PhD Physics ,QAU) 2. Hamidullah s/o Jalat Khan,Loralai (MPhil Pak Studies, QAU)3.... https://t.co/g4P5rVUXcR
— Sanna Ejaz(سیاله) (@sanaejaz2) June 11, 2018
د بشري حقونو وکیلان چې د عاصمه جهانگیر په دفتر کې کار کوي، په خپل ټویټر داسې ولیکل
University students who have been arrested in Islamabad more than a week ago for protesting for PTM need to be released immediately. Treating them like criminals is shameful. What happened to freedom of association ?
— AGHS Legal Aid Cell, Asma Jahangir%27s Law Firm (@Asma_Jahangir) June 11, 2018
"د پوهنتون محصلین چې یوه اونۍ مخکې نیول شویدي، دې ژر تر ژره خوشي کړل شي. د دغو کسانو سره د مجرمانو پشان چلند کول د شرم وړ ده."
د یادونې وړ ده چې د اسلام اباد پولیسو دغه محصلین یوه اونۍ مخکې لدې کبله ونیول چې هغوي په اسلام اباد کې د مظبوعاتو د دفتر مخې ته د احتجاج نیت لرلو او چې څنگه راغونډ شول، د منظور پښتین له قوله, "پولیسو ونیول او پرته د قانوني اړ اقداماتو یې بندیان کړل".