ددغه ولسوالۍ د 'ده قاضي کلي' یو تن کروندګر عبدالخلیل چې په اووه جریبه ځمکه کې یې بینډۍ کرلې وې وايي، چې د بینډیو له پخېدو راهېسې یې شپاړس ځلې حاصلات راټول کړي او دا چې په بازار کې بیې ښې دي، سږ کال یې خپل مصارف پوره کړي او ښه ګټه یې ترې لاسته راوړې ده.
دی زیاتوي چې له خپلې کروندې تر راتلونکي درې میاشتو پورې نور حاصلات هم اخیستلی شي، چې ټول به ورته په ګټه کې پاتې شي.
که څه هم سږ کال د بینډیو بیې ښې دي، خو د سبزیو د حاصلاتو په زیاتېدو سره کروندګر شکایت کوي، چې ددوی حاصلاتو د ساتلو لپاره سړې خونې نشته او له همدې امله یې ډېرې وختونه حاصلات خرابیږي.