د کندز ښار یو کروندګر، نجیب الله، وایي چې په یو جریب ځمکه کې یې د پلاستیک لاندې ‘پودینه’ کرلې ده. د هغه په وینا، د ژمي په سړو شپو ورځو کې پرته له پلاستیک څخه د شنو سبزیو کرل ناشوني دي.
نوموړی زیاتوي، چې په یو جریب ځمکه کې د پلاستیک لاندې کرکېله شاوخوا پنځوس زره افغانۍ لګښت غواړي. خو سره له دې، د سبزیو د لوړ خرڅلاو له امله دوی نه یوازې خپل لګښت پوره کوي، بلکې د نورو کښتونو په پرتله ډېره ګټه هم ترلاسه کوي.