د جمهوري ریاست راتلونکو ټاکنو کې د کاندید محمد اشرف غني د لومړي مرستیال امرالله صالح پر سیاسي دفتر برید په ملي او نړیواله کچه غندل شوی، یو شمیر وايي دا حمله د افغانستان د ټاکنو پر بهیر برید و.
پرون یکشنبه (جولای ۲۸) د زرغون بهیر پر دفتر چې مشري یې امرالله صالح کوي، په برید کې لږترلږه ۲۰ کسان ووژل شول او ۵۰ نور ټپیان دي.
دغه برید په ملي او نړیواله کچه خلکو غندلی او د پیښې له قربانیانو سره یې خواخوږي ښودلې ده.
د افغانستان د سولې لپاره د امریکا ځانګړي استازي زلمي خلیلزاد په ټویټر لیکلي، "د امرالله صالح پر سیاسي دفتر برید په واضح توګه ترهګریز عمل دی، موږ یې غندو او طراحان یې باید محاکمه شي".
The attack on Amrullah Saleh%27s political party offices was grotesque and a clear act of terrorism. We condemn it in the strongest terms. The perpetrators should be brought to justice. We stand with #Afghanistan in the fight against terror.
— U.S. Special Representative Zalmay Khalilzad (@US4AfghanPeace) July 29, 2019
په افغانستان کې د امریکا سفیر جان بس هم دغه برید غندلی، د پیښې له قربانیانو او کورنیو سره خواخوږي ښودلې او د افغان ځواکونو کار یې ستایلی دی.
I strongly condemn Sunday’s attack on candidate @AmrullahSaleh2 and his supporters. Our thoughts and prayers go out to those wounded and the families of those killed in the attack. Great work by #Afghan security forces to prevent greater loss of life. (1/3)
— John R. Bass (@USAmbKabul) July 29, 2019
په افغانستان کې د بریټانیا سفارت هم د امرالله صالح پر دفتر برید غندلی او ویلي دي چې، "دا د ټاکنو پر بهیر او د خلکو پر حق برید دی چې د خپلې راتلونکې لپاره پرې خبرې کوي".
Condolences to the families of those killed & injured in the attack on @AmrullahSaleh2, VP candidate & colleagues. We condemn all attacks on parties & candidates. They are attacks on the electoral process & #Afghan people’s right to have their say in the future of their country pic.twitter.com/RZ8e4TO9fA
— Alison Blake (@AlisonBlakeFCO) July 29, 2019
په افغانستان کې د ملګرو ملتونو سیاسي دفتر یا یوناما دا برید غندلی او وايي چې کاندیدان ملکیان دي، د افغانستان د جمهوري ریاست په کمپاینونو کې تاوتریخوالی ځای نه لري.
د پاکستان د بهرنیو چارو وزارت هم د امرالله صالح پر دفتر برید غندلی دی.
د پاکستان د بهرنیو چارو وزارت ویاند محمد فیصل پر ټویټر لیکلي "پاکستان د افغانستان له دیموکراتیک بهیر څخه ملاتړ کوي، او د افغانانو په مشرۍ او صلاحیت د سولې د بهیر ملاتړ کوي".
بلخوا هند هم د کابل برید په کلکو ټکو غندلی دی.
Your browser doesn’t support HTML5
د امرالله صالح پر دفتر د برید په غبرګون کې جرمني وايي چې د زرغون بهیر پر دفتر برید کې په قصدي توګه ملکیان په نښه شوي، او له ټولو ښکیلو خواو یې غوښتي چې په دوحه کې په بین الافغاني غونډه کې چې کومه پریکړه شوې وه چې ملکیان به نه په نښه کیږي، هغې پریکړې ته درناوی وکړئ.
تر برید یوه ورځ وروسته، لا هم کومې ډلې یا کس مسولیت په غاړه اخیستی نه دی.