د ونزویلا د حکومت د مخالف ګوند مشر هوان ګوایدو د یو ویدويي پیغام له لارې د حکومت پر ضد د ملي پاڅون غږ کړی دی.
هغه د ونزویلا د پلازمینې کاراکاس په یو پوځي هوايي ډګر کې د سرتېرو په منځ کې لیدل کیږي.
په دغې ویدیو کې د حکومت ځینې مخالف مشران له پوځیانو غواړي چې د مادورو نظام ړنګ کړي.
د متحدو ایالتونو د بهرنیو چارو وزیر پمپیو ویلي دي چې امریکا د ونزویلا د خلکو د ازادۍ د هڅو پوره ننګه کوي. هغه په خپل ټویټر کې لیکلي دي چې دیموکراسي نشي ماتېداې.
Today interim President Juan Guaido announced start of Operación Libertad. The U.S. Government fully supports the Venezuelan people in their quest for freedom and democracy. Democracy cannot be defeated. #EstamosUnidosVE
— Secretary Pompeo (@SecPompeo) April 30, 2019
د امریکا د جمهور رئیس مرستیال مایک پنس هم په یو ټویټري پیغام کې لیکلي چې "امریکا د ازادۍ او دموکراسۍ تر پلي کیدو پورې د ویزویلا له خلکو سره ولاړه ده".
To @jguaido, the National Assembly and all the freedom-loving people of Venezuela who are taking to the streets today in #operacionlibertad—Estamos con ustedes! We are with you! America will stand with you until freedom & democracy are restored. Vayan con dios! #FreeVenezuela
— Vice President Mike Pence (@VP) April 30, 2019
اسوشیتدپرس د روسي رسنیو په حواله لیکلي دي چې ښاغلي پوتین په دې اړه له خپل امنیتي ټیم سره ملاقات کړی دی.
د مادورو د حکومت دوو ملاتړ هېوادونو، بولیویا او کیوبا، هغه ته (کودتا) هڅه غندلې ده او د لاتینې امریکا له نورو هېوادونو هم غوښتې چې دا وغندي.
د ونزویلا حکومت ویلي دي چې د (خاینو) نظامیانو د یوې کوچنۍ ډلې د (کودتا) هڅه یې شنډه کړې ده.
امریکا هوان ګوایدو د ونزویلا د رسمي ولسمشر په توګه پېژندلي دی.