د افغانستان اسلامي جمهوریت مرکچي پلاوی له طالب استازو سره د بین الافغاني مذاکراتو دوهم پړاو کې د ګډون لپاره نن سه شنبه جنورۍ ۵ (مرغومې ۱۶) قطر ته روان شو.
د افغانستان د اسلامي جمهوریت مذاکراتي پلاوي مشر معصوم ستانکزي وویل چې هغوی د افغان حکومت له رهبرۍ، د ملي مصالحې عالي شورا، ولسي جرګې او ټولنې له نورو غړو سره تر درې اونیو سلا مشورو وروسته نن قطر ته ځي.
نوموړي زیاته کړې: "زموږ تمه داده چې بلاخیره دواړه لوري یوې نتیجې ته ورسیږي چې په هغه کې د افغانستان د خلکو غوښتنې عملي شي، د افغانستان د خلکو تر ټولو مهمه غوښتنه داده چې د وینې تویېدل د تل لپاره په دغه هیواد کې بنده شي، ځکه د افغانستان خلک، هره شپه، هره ورځ او هره شېبه له رامنځته شوي وحشت څخه ځوریږي."
اظهارات محمد معصوم ستانکزی رئیس هیئت مذاکرهکننده جمهوری اسلامی افغانستان درباره اعزام هیئت مذاکرهکننده به دوحه و آغاز دور دوم #مذاکرات_صلح_افغانستان#د_افغانستان_د_سولې_مذاکرات#AfgPeaceProcess pic.twitter.com/0DspcvmLin
— Peace Negotiation Team of the I.R. of Afghanistan (@PeaceIRAfg) January 5, 2021
پر همدې مهال د افغانستان د جمهوري ریاست د مذاکراتي پلاوي غړي او ویاند نادر نادري هم ویلي چې یاد پلاوی د دوهم پړاو مذاکراتو پیلېدو لپاره له لازمو مشورو او نظرونو څخه برخمن شوی دی.
نوموړي زیاته کړې ده: "د افغانستان مرکچي پلاوی، په بریالۍ توګه د سولې خبرو دویم پړاو د پیل لپاره، له لازمو نظریاتو او لارښوونو برخمن شوی، څو په هېواد کې د سراسري سولې ټینګښت په موخه، خبرې له سره پیل کړي. د مشورو پرمهال روښانه شوه چې اوربند د افغانستان د خلکو لومړنۍ غوښتنه ده."
ټاکل شوې ده چې بین الافغاني مذاکرات نن سه شنبه پيل شي.
د افغانستان د جمهوري ریاست ویاند صدیق صدیقي ویلي چې قطر ته د مذاکراتي پلاوي په رسېدو سره به ژر تر ژره دوهم پړاو بین الافغاني مذاکرات پيل شي.
صدیقي زیاته کړه چې مذاکراتي پلاوی د افغانستان د خلکو او سیاسي قشر ملاتړ له ځان سره لري. هغه ویلي چې د افغانانو او حکومت لومړنۍ غوښتنه د تاوتریخوالي پای ته رسېدل اوربند ټینګېدل او د یوې تلپاتې سولې ټینګېدل دي.
همزمان با حضور هیات مذاکره کنندهی صلح دولت جمهوری اسلامی افغانستان در دوحه، مرحلهی دوم مذاکرات صلح به زودی آغاز خواهد شد. هیات، پشتیبانی مردم و قشرهای مختلف جامعه را با خود دارد. اولویتهای مردم و دولت، قطع فوری خشونتها، تامین آتش بس و دست یابی به صلح پایدار در افغانستان است.
— Sediq Sediqqi (@SediqSediqqi) January 5, 2021
د افغانستان د اسلامي جمهوریت او طالبانو مذاکراتي ټېمونو د بین الافغاني مذاکراتو پر کاري طرزالعمل تر هوکړي وروسته په یادو مذاکراتو کې د درې اونیو لپاره وقفه اعلان کړه.
یاده وقفه د بین الافغاني مذاکراتو د اجنډا په اړه د لا نورو سلا مشورو تر لاسه کول ببل شوي دي.
دا په داسې حال کې ده چې د افغانستان د سولې په چارو کې د امریکا د متحدو ایالتونو ځانګړی استازی زلمی خلیلزاد بیا دوحې، پاکستان، افغانستان او ځینو نورو هېوادونو ته سفر پيل کړی دی.