د افغانستان لپاره د اروپايي ټولنې ځانګړي استازي اسلام اباد ته د سفر په ترڅ کې له پاکستاني چارواکو سره د افغانستان د سولې بهیر په اړه خبرې کړي دي.
توماس نیکلاسن نن سه شنبه جون ۱۵ (غبرګولې ۲۵) په خپل ټویټر کې لیکلي چې «اوس د دې وخت» دی چې د دوحې خبرې باید د دواړو مذاکره کوونکو ټېمونو د اساسي وړاندیزونو له مخې وشي او په وینا باید له عادي رول څخه د مذاکرې مرحلې ته داخل شي.
Happy to be back in Islamabad for exchanges regarding the #AfghanPeaceProcess. Shared assessment that talks in Doha must progress from process to negotiations based on substantial proposals from both negotiation teams. The time is now. @EUPakistan https://t.co/mZ44aMzACT
— Tomas Niklasson (@tomas_niklasson) June 15, 2021
دا په داسې حال کې ده چې د افغانستان د اسلامي جمهوریت او طالبانو د مذاکره کوونکو پلاوو مشرانو او غړیو د جون په اتمه تر اوږده ځنډ وروسته ناسته کې د مذاکراتو د بهیر پر چټکتیا او د اجنډا پر موضوعاتو هوکړه کړې وه. خو په تیره اونۍ کې د دواړو ډلو ترمنځ د ناستې هیڅ خبر نه دی ورکړل شوی.
خو اروپايي ټولنې ټینګار کړی چې په دوحه کې د سولې خبرې باید له هر ډول ځنډ پرته له سره پيل شي ترڅو په افغانستان کې د یوه سیاسي حل لارې په پیدا کېدو سره په افغانستان کې د جګړې د پای ته رسېدو او سولې ټینګېدو لامل شي.
په پاکستان کې د اروپايي ټولنې سفیر اندرولا کمینارا هم ویلي چې ښاغلی نیکلاسن به پاکستان د سفر په ترڅ کې د دغه هیواد له پوځ او چارواکو سره هر اړخیزه ناستې ولرې.
د افغانستان لپاره د اروپايي ټولنې سفیر په اسلام اباد کې د افغانستان له سفیر نجیب الله علي خېل سره هم کتلي او د افغان سولې په اړه یې ورسره خبرې کړي دي.
Honored to meet today Mr. Tomas Niklasson EU Special Envoy for Afghanistan and HE. Ms.Kaminara EU Ambassador to Pakistan. Discussed the current issues, challenges and opportunities of Afghan peace process, prospects of Afghan-EU partnership, regional security and cooperation. pic.twitter.com/iVB4HEa9jZ
— Najibullah Alikhil (@NajibAlikhil) June 14, 2021
ارواپايي ټولنې ټینګار کړی چې یوازې یو سیاسي هوکړه په افغانستان کې د تلپاتې سولې لامل کېدای شي.