افغان حکومت د کروناویروس د خپرېدو د مخنیوي لپاره ټول حکومتي او خصوصي ښوونځي او پوهنتونه وتړل.
په ستراتېژیکو چارو کې د افغان ولسمشر محمد اشرف غني سلاکار وحید عمر وايي چې د افغانستان د روغتیا او نورو اړوند وزارتونو دا غوښتنه کړې وه.
ښاغلي عمر په خپل ټویټر کې لیکلي دي: "د افغانستان د عامي روغتیا، معارف، لوړو زده کړو او اطلاعاتو او فرهنګ وزارت د ګډ وړاندیز په اساس او د ولسمشر غني له منظورۍ وروسته، ټول دولتي او خصوصي تعلیمي موسسات به د وري/حمل تر ۳۱ ( اپریل ۱۹) پورې تړلي وي."
به اساس پیشنهاد مشترک وزارت های صحت عامه، معارف، تحصیلات عالی و اطلاعات و فرهنگ و منظوری رییس جمهور، تمام موسسات تعلیمی دولتی و خصوصی الی تاریخ ۳۰ حمل ۱۳۹۹ تعطیل گردیدند.
— Waheed Omer (@Waheed_Omer) March 14, 2020
افغان حکومت دا اقدام داسې مهال کوي چې په دغه هېواد کې د کرونا پېښې ۱۱ ته رسېدلي دي. افغان حکومت همدغه راز د نوروز جشن او نورو ورزشي لوبې هم لغوه کړي دي.
د افغانستان په دوو ګاونډیو ایران او پاکستان کې هم ښوونځي او پوهنتونونه تړل شوي دي.
پاکستان له افغانستان سره خپلې دروازې هم تړلي دي.
ایران له چین او ایټالیا وروسته درېیم هېواد دی چې د کرونا له کبله څه باندې ۵۰۰ کسان په کې مړه شوي دي.
د کرونا ویروس لومړی په چین کې خپره شوه او چې تر دې دمه تر ۵۰۰۰ زرو ډېر کسان یې مړه کړي او لسګونه زره نور پرې اخته دي.