د آی پي ال د روانو سیالیو په لړ کې د سنرایزر حیدر اباد لوبډلې د کینګز ایلون پنجاب لوبډلې ته ماتې ورکړه.
سنرایزر حیدراباد ۱۳۲ منډو هدف ورکړ خو د پنجاب ټوله لوبډله په ۱۱۹ منډو وسوځېدله. دا لوبه د پنجشنبې په ورځ (اپریل۲۶) په حیدراباد کې وشوه. د پنجاب لوبډلې پچه وګټله او خپله یې د توپ اچونې پرېکړه وکړه.
د سنرایرزر حیدراباد په بري کې د راشد خان باولینګ د ستایلو او پام وړ و. راشد خان په څلورو اورونو کې ۱۹ منډې ورکړې او په مهم وخت کې یې درې لوبغاړي هم وسوځول. هغه ته د لوبې د سټایلیش لوبغاړي جایزه هم ورکړل شوه.
په لومړي ځل د آی پي ال په سیالیو کې دوه افغانان سره مخامخ شول. راشد خان مجیب الرحمن ته باولینګ وکړ او هغه پرې دوه سر په سر څلوریزې ووهلې. په راشد خان باندې له مجیب پرته بل هېڅ یو لوبغاړي کومه څلوریزه او شپږیزه ونه وهله.
سنرایزر حیدراباد د خپلو بالرانو لوبه ستایلې ده
Exceptional bowling attack with outstanding fielding has ensured that #SRH defend even the score of 132 as the Kings are dismissed for 119 giving #SRH a 13 runs victory.#SRHvKXIP #IPL2018Go #OrangeArmy pic.twitter.com/1CoqIzHtUb
— SunRisers Hyderabad (@SunRisers) April 26, 2018
محمد نبي بیا په بیټینګ کې په دوو توپونو څلور منډې وکړې او وسوځېده. هغه دوه اورونه هم وکړل، ۲۴ منډې پرې وشوې خو کوم لوبغاړی یې هم ونه سوځوه.
مجیب ځدراڼ په څلورو اورونو کې ۱۷ منډې ورکړې او شکیب الحسن یې هم وسوځوه. لوبڅارانو او مبصرینو د مجیب الرحمن باولینګ وستایه.