په افغانستان کې د ولسي جرګې ټاکنې چې د شنبې او یک شنبې په ورځو کې ( د تلې/ میزان ۲۸ او ۲۹) وشوې، نړیوال غبرګونونه یې له ځان سره درلودل.
امریکا، کاناډا، جرمني، هند او نورو هېوادونو په ټاکنو کې د افغانانو پراخ ګډون ستایلی دی.
په کابل کې د امریکا سفارت د دغه هېواد د بهرنیو چارو د وزیر مایک پمپیو اعلامیه خپره کړې او په کې د دغو ټاکنو ننګه شوې ده.
Secretary Pompeo: "متحده ایالتو پریکړه کړې چې د افغان حکومت او خلکو سره خپل ملاتړته دوام ورکړي. د رایو د شمېرلو لپاره د افغانانو حق او هیله ته باید درناوی وشي. " 2/2
— U.S. Embassy Kabul (@USEmbassyKabul) October 19, 2018
په افغانستان کې د ملګرو ملتونو د مرستندویه پلاوي دفتر یا یوناما ویلي، د تخنیکي او امنیتي ستونزو برسیره په ټاکنو کې د زیات شمیر خلکو ګډون هیله بخښونکې ده.
د یوناما مشر تادامیچي یاماموتو وايي "دغه ټاکنې په خپلو پښو د ودریدلو په لور د افغانستان یو تاریخي پړاو دی".
یوناما همداراز له څارونکو، سیاسي ګوندونو، کاندیدانو او رایو ورکونو څخه غوښتي چې په راتلونکو ورځو کې د رایو د شمیرلو پروسې تمامیت په ساتلو کې رول ولوبوي
High number of #Afghans turned out today, braving security threats and waiting long hours to vote for a better future. All Afghan authorities and actors must now demonstrate commitment to safeguarding and completing credible elections. Read full statement: https://t.co/UxmtG6DhAG pic.twitter.com/EWICbevN6s
— UNAMA News (@UNAMAnews) October 20, 2018
همدا شان ملګري ملتونه وايي چې د ټاکنو پر مهال په کابل او ولایتونو کې په یو شمیر مرکزونو کې د تخنیکي ستونزو له کبله ټاکنې وځنډیدې او خلک په ساعتونو په کتارونو کې ولاړ وو.
په افغانستان کې د ناټو ملکي استازي کارنیلویس سیمرمن په ټویټر کې لیکلي چې د راتلونکې لپاره د افغانانو زړورتیا او ارادې حیران دی کړی.
Observing the parliamentary elections in Kabul.Ambassador Cornelius Zimmermann: “I’m impressed by the courage anddetermination of Afghan voters shaping the future of their country”. pic.twitter.com/VN0FbvKYgA
— NATO in Afghanistan (@NATOscr) October 21, 2018
همدا شان په افغانستان کې د کاناډا سفارت د ټاکنو پرمهال د مخالفینو بریدونه غندلې دي، او د قربانیانو له کورنیو سره یې همدردي ښودلې ده.
جرمني هم د ولسي جرګې له آزادو، شفافو او عادلانه ټاکنو څخه خپل ملاتړ ښودلی دی، او په افغانستان د سولې د راتلو هیله ښودلې ده.
#ElectionDay has come. Germany supports free, fair and transparent parliamentary elections in Afghanistan. May this day stay peaceful. No Afghan citizen should have to fear harm when exercising his or her #RightToVote. #AfghanElections2018
— Germany in Afghanistan (@GermanyinAFG) October 20, 2018
د امریکا د سولې د انسټیټوت د آسیايي پروګرامونو مرستیال انډریو وایلډر وايي "د ټاکنو په مدیریت کې د نن ورځې ګډوډي او بې کفایتي ښيي چې بیوروکراتیکې ستونزې د انتخاباتو مشروعیت د داعش او طالبانو د بریدونو او ګواښونو په پرتله ډېر زیانمنوي."
دغه راز د ولسي جرګې د ټاکنو په هکله ګڼ شمیر نورو خپلواکو ادارو او کسانو هم بیلابیل نظرونه وړاندې کړې دي.
د ټاکنو خپلواک کمیسیون وايي چې د ولسي جرګې په ټاکنو په لومړئ ورځ نږدې ۴ میلیون کسانو ګډون کړی وو چې ٪۶۷ پکې نارینه او ٪۳۳ پکې ښځې وې.