د هند کرکټ بورډ دا خبره تاید کړه چې له افغانستان سره د ټسټ لوبه کوي.
د هند کرکټ بورډ سرپرست امیتاب چوهدري د دوشنبې په ورځ ( ډسمبر۱۰) په نوي ډیلي کې دا اعلان وکړ. هغه وویل چې افغانستان له ډېره وخته دا غوښتنه لرله او هند هم ومنله.
India to host Afghanistan for their first-ever Test. Mr. Amitabh Choudhary, Acting Hony. Secretary of the BCCI makes the announcement in New Delhi. pic.twitter.com/KdqblGKKkE
— BCCI (@BCCI) December 11, 2017
د هند د کرکت بورډ اجرايي مشر راهول جو هري هم په خپل رسمي ټویټر پاڼه کې لیکلي چې هند به له افغانستان سره د ټست لوبه کوي او هغوې ته به د ټسټ نړۍ ته ښه راغلاست ووايي.
India to play inaugural test against Afghanistan. welcome them to five-day cricket. @ACBofficials @BCCI
— Rahul Johri (@RJohri) December 11, 2017
د افغانستان د کرکټ بورډ عمومي مشر عاطف مشعل امریکا غږ اشنا ته وویل چې د دغې لوبې دقیق ځای او دقیقه نېټه به د دواړو هېوادونو د کرکټ بورډونو په ګډ کنفراسن کې ژر اعلان شي. ښاغلي مشعل وویل چې له هند سره یې د کرکټ په برخه کې په پنځو نورو مسایلو هم موافقه کړې ده، خو په اړه یې جزیات ورنکړل.
ویل کیږي چې شاید د افغانستان او هند ترمنځ د ټسټ دغه لوبه د ۲۰۱۸ کال په وروستیو میاشتو کې وشي. ښاغلي مشعل وویل چې افغانستان هیله لرله چې خپله د ټسټ لومړنۍ سیالي له هند سره وکړي.
د افغانستان د کرکټ بورډ مشر عاطف مشعل په ټویټر کې هند څخه مننه کړې ده.
@ACBofficials and @BCCI have agreed that Afghanistan will play its first Test against India. The exact date and venue of the match will be shared in a joint press conference in due course. I personally thank BCCI board for the decision. @BCCI @ARG_AFG
— Atif Mashal (@MashalAtif) December 11, 2017
تر دې مخکې ویل شوي وو چي زمبابوې به له افغانستان سره د ټست لوبه کوي، خو زمبابوې ویلي چې دوې ټول پام د ۲۰۱۹ کال د نړیوال جام د غوراي سیالیو ته اړولی او له افغانستان سره د ټسټ لوبه نشي کولی.
د کرکټ نړیوالې شورا سږکال افغانستان او ایرلنډ ته د ټسټ لوبو امتیاز ورکړ، ایرلنډ د ۲۰۱۸ کال په لومړیو میاشتو کې له پاکستان سره د ټسټ لوبه لري.