شیدا محمد ابدالي له ولسمشر محمد اشرف غني وروسته دویم کس دی چې د افغانستان د جمهوري ریاست په ټاکنو کې د کاندیدو اعلان کوي.
د افغانستان د جمهوري ریاست ټاکنو لپاره د کاندیدانو د نوملیکنې بهیر رسمآ پیل شوی نه دی، خو دوو کسانو اوس د کاندیدۍ اعلان کړی دی.
په هند کې د افغانستان پخواني سفیر شیدا محمد ابدالي په خپل ټویټر کې اعلان کړی دی چې د را روانو ټاکنوو کاندید دی.
...gathering in the historic province of Kandahar to mark their support from my candidacy for the Afghan presidential elections of 2019.I pray to Almighty Allah that I get able to serve the war-torn nation in the most practical & effective sense, responding on the remarkable... pic.twitter.com/srGVsGvfVE
— Dr Shaida Abdali (@ShaidaAbdali) November 6, 2018
هغه د کندهار له خلکو مننه کړې چې په دغه برخه کې د هغه ننګه کوي او هڅولی یې دی چې ځان کاندید کړي.
شیدا ابدالي مخکني ولسمشر حامد کرزي ته نژدې کس گڼل کیږي چې ډیره موده یې د ښاغلي کرزي په دفتر کې کار کاوه.
ښاغلي ابدالي تیره میاشت په هند کې د سفارت له دندې استعفی وکړه او دلیل یې دا وښوده چې غواړي په افغانستان کې دننه کار وکړي. ښاغلي ابدالي لا نه دي ویلي چې مرستیالان یې څوک دي.
تر ده مخکې ولسمشر غني هم د خپل کاندیدو اعلان کړی و، هغه هم د خپلو مرستیالانو په اړه څه نه دي ویلي. ټاکل شوې چې د افغانستان د جمهوري ریاست ټاکنې د ۲۰۱۹ کال د اپریل په میاشت کې وشي.