د امریکا د سینما ستوری چادویک بوزمن چې د «تور پړانګ» په فلم کې خورا زیات مشهور شوی و، په ۴۳ کلنې کې مړ شو.
نوموړی له ۲۰۱۶ راپدېخوا د سرطان په رنځ اخته و.
د هغه ملګرو تېره ورځ اګست ۲۸ (وږی۷) د فرانسې خبري اژانس ته ویلي دي چې چادویک بوزمن د امریکا د لاس انجلس په ښار کې په خپل کور کې مړ شوی دی.
هغه په لومړي ځل د اتلانو د فلمونو په لړۍ"مارویل" کې د یو تورپوستي اتل رول ولوبوه.
د «تور پړانګ» فلم د اتلانو د داستانونو یوه لړۍ وه چې د اسکار د غوره فلمونو جایزو ته کاندید شوی و او څه باندې یو میلیارد ډالر یې ګټلي وو.
دا فلم ډېر ستایل شوی و او ډېر مینه وال لري.
په امریکا کې او د امریکا بهر د سینما یو شمېر وتلو څېرو او کارکوونکو د هغه پر مړینې خواشینې ښودلې ده.
Deeply saddened to know about the sad demise of #BlackPanther actor #ChadwickBoseman at such a young age. Apart from being a very fine actor, he was a humble man with an infectious smile. My condolences to his family, friends & fans! 🙏#WakandaForever #OmShanti pic.twitter.com/zNbJDr7cy1
— Anupam Kher (@AnupamPKher) August 29, 2020
د هند د سینما یوې مشهورې څېرې انوپم کهیر په خپل ټویټر کې د هغه په مړینې خواشینې ښودلې ده او کورنۍ ته یې تسلیت ویلی دی.
په پام کې وه چې چادویک بوزمن د «تور پړانګ» په بل فلم کې چې په ۲۰۲۲ کې جوړېده، هم رول ولوبوي.