په کابل کې د امریکا متحده ایالاتو شارژدافیر او یوناما د سولې په چارو کې د افغان دولت وزارت د دفتر پر رئیس نننۍ چاودنه غندلې ده.
د امنیتي چارواکو په وینا د سولې په چارو کې د دولت وزارت د دفتر د رئیس خشنود نبي زاده پر موټر نن دوشنبه فبرورۍ ۱ (سلواغې ۱۳) د کابل ښار په لسمه ناحیه (شهید څلور لاره) کې د چسپکي ماین چاودنه وشوه.
د کابل د امنیه قوماندانۍ ویاند فردوس فرامرز ویلي چې په دغه چاونه کې چاته زیان نه دی رسېدلی.
په کابل کې د امریکا شارژدافیر راس ویلسن د خشنود نبي زاده پر موټر نننۍ چاودنه غندلې او خوښي یې ښودلې چې هغه له دغه برید څخه روغ وتلی دی.
نوموړي زیاته کړې چې یاده چاودنه تر هغه وروسته کیږي کله چې تیره ورځ په کابل کې بهرنیو سفارتونو په یوې ګډې اعلامیې کې په افغانستان کې د تاوتریخوالي بندولو ترڅنګ د هدفي بریدونو بندېدو غوښتنه وکړه: "دا زموږ هیلې او توقع ته حیرانونکی ځواب ښکاري،دا ډول تاوتریخوالی او ویجاړتیا باید پای ته ورسیږي."
(2/2) It seems to be a shocking answer to our stated expectation that such violence and destruction must end. We are relieved that Mr. Nabizada and his family are unharmed. This violence must stop, and all those who want peace here should condemn it.
— Chargé d’Affaires Ross Wilson (@USAmbKabul) February 1, 2021
په افغانستان کې د ملګرو ملتونو سیاسي استازوالۍ یا یوناما هم پر خنشود نبي زاده چاودنه غندلې او هغه یې د سولې پر پروسې برید بللی دی.
Today’s targeted attack in #Kabul against a senior official involved in the peace process is another deplorable incident, akin to an attack on the peace process itself. UNAMA condemns this & all attacks against civilians, urging #Afghanistan peace talks to move forward.
— UNAMA News (@UNAMAnews) February 1, 2021
په افغانستان کې د ملګرو ملتونو سیاسي استازوالۍ یا یوناما د سولې خبرو مخته وړلو غوښتنه کړې ده.
د افغانستان د مصالحې عالي شورا مشر ډاکتر عبدالله عبدالله هم دا چاودنه غندلې ده، د یادې شورا په اعلامیه کې راغلي:"دغه تروریستي پېښه په کلکه غندم، په ملکي کسانو او په ځانګړي ډول پر هغو، چې د سولې د ټنګښت او جګړې د ختمېدو په برخه کې کار کوي داسې بریدونه د توجیه وړ ندي او نه بښونکی جنایت دی.د هدفي وژنو زیاتېدل، د ملکي کسانو ، د رسنیو د غړو او مدني فعالانو هدف ګرځول هیڅ ډله خپلې موخې ته نشي رسولی."
تر دا مهاله د دغه چاودنې مسؤلیت کومې وسله والې ډلې نه دی منلی.
د سولې په چارو کې د دولت وزارت هم د یادې چاودنې په اړه څه نه دي ویلي.