د کاناډا صدراعظم جستین ترودو وايي میرمن یې سوفي ترودو په کرونا اخته شوې او د ډاکټرانو تر درملنې لاندې ده.
ښاغلي تروډو په خپل ټویټر کې لیکلي دي چې هغه به د ډاکټرانو له مشورې سره سم په کور کې ایساره وي.
نوموړي ویلي دي چې خپله دا تکلیف نلري خو بیا به هم د ډاکټرانو سپارښتنې ته په کتو په کور کې وي.
I have some additional news to share this evening. Unfortunately, the results of Sophie’s COVID-19 test are positive. Therefore, she will be in quarantine for the time being. Her symptoms remain mild and she is taking care of herself and following the advice of our doctor.
— Justin Trudeau (@JustinTrudeau) March 13, 2020
تېره ورځ د کاناډا صدراعظم جستین ترودو، وروسته له هغې ځان په خپل کور کې قرنطین کړ چې میرمن یې د ریزش ورته علایم او او اعراض تجربه کړل.
د کاناډا د صدراعظم دفتر د پنجشنبې په ورځ مارچ ١٢ (کب ٢٢) وویل چې سوفي ترودو چې تازه له بریتانیا څخه کاناډا ته ستنه شوې، د چهارشنبې په ماښام د ریزش ورته حالت او تبه درلودله.
د ښاغلي ترودو دفتر د یوې اعلامیې په خپرولو ویلي دي: "د زیات احتیاط په وجه صدراعظم خپله غوښتي چې قرنطین شي او د سوفي د ازموینو تر رارسیدو پورې به په پخل کور کې کار کوي."
ډاکترانو ښاغلي ترودو ته سپارښتنه کړې چې خپل ورځني فعالیتونه ترسره کړي او خپل وضعیت ته پاملرنه وکړي.
د کاناډا د صدراعظم د دفتر د اعلامیې په اساس ښاغلی ترودو د رپوټونو، غونډو، د نړۍ د مشرانو سره د خبرو او د کابینې په غونډو کې د گډون په شمول ټول کارونه د تیلیفون او ویدیویي کنفرانس له لارې کوي.