د هلمند ولایتي چارواکي وایي چې د لښکرګاه ښار او نادعلي ولسوالۍ ترمنځ د باباجي په سیمه کي د وسله والوبرید کونکو او افغان امنیتي قواوو ترمنځ نښته روانه ده .
د هلمند ولایتي چارواکي وایي چې مخالفو وسله والو د څلورمې حوزې اړوند د باباجي د سیمي او د نادعلي ولسوالۍ د کوفکه او لوی مانده د سیمي د پوليسو پر څو پوستو باندي له نن سهار وختي راهیسې بریدونه پيل کړي دي.
د هلمند امنیه قومندان پاسوال نبي جان ملاخیل امریکاغږ ته د نښتې تائید وکړ خو زیاته يې کړه چي پدې نښته کي د مخالفو وسله والو ته درنه مرګ ژوبله او ښتې ده خو هغه په دې په اړه څه و نه ویل.
یوه بل امنیتي مقام چي نه يې غوښتل نوم يې واخیستل شي امریکاغږته وويل چې د باباجي په نښته کي د پوليسو ۲ پوستو سقوط کړی.
عیني شاهدانو له اشنا رادیو سره په خبرو کي وويل چې په سیمه د نړیوالو قواوو د قاطع ماموریت الوتکي هم الوتنې لري او د ډزو ږغونه په لښکرګاه ښار کي هم اوریدل کیږي .
د هلمند د والي ویاند عمر ځواک وايي چې په سیمه کي افغان امنیتي او دفاعي ځواکونه لاهم د مخالفو وسله والو سره په نښته اخته دی چې کره معلومات به يې وروسته په ډاګه شي
وسله والو طالبانو بیا رسنیو ته د یوه تلیفوني پیغام له لاري ادعا کړې چي د هلمند مرکز لښکرګاه ته څېرمه يې په بابا جي سیمه کي د لوی مانده او بغرا د غاړي پر ۶ پوستو د برید په ترځ کي ۳۹ تنه افغان سرتیرو ته مرګ ژوبله اړولې ده .
د فاریاب غورماچ ولسوالۍ طالبانو لا س ته ورغلې ده
په فاریاب ولایت کې افغان امنیتي چارواکي وایي چې ددغه ولایت د غورماچ ولسوالۍ تیره شپه د افغان حکومت مخالفو وسله والو لاس ته ورغلې ده.
د ۲۰۹ شاهین قول اردو ویاند رضا رضایي امریکا غږ ته وویل چې د غورماچ په ولسوالۍ باندې مخالفو وسله والو تیرشپه جګړه پیل کړه چې د شپې په یوه بجه د ولسوالۍ مرکز د مخالفو وسله والو لاس ته ورغله.
ښاغلي رضایي وویل چې طالبانو د ولسوالۍ مرکز ته اور اچولی دی.
د ملي اردو د ځواکونو دغه ویاند وویل چې د مخابراتي اړیکو د پرې کیدو له امله په جګړه کې د رامنځ ته شوو تلفاتو په باب معلومات نه لري.
تراوسه طالبانو په دې هکله څه نه دي ویلي.