د ملک شاه فهد په نړیوال لوبغالي کې د لومړي ځل لپاره دوه ښځې د غیږ نیونې (کشتي کج) سیالي تر سره کوي.
د غیږ نیونې (کشتي کج) دوه نړیوالې ښځینه لوبغاړۍ، لیسي اوینز او نتالیا به نن ورځ د سعودي په وخت د ماښام په ۷ بجو د ملک فهد په لوبغالي کې د کږې کشتۍ سیالي تر سره کړي.
لیسي اوینز چې د دغې سیالۍ یوه ګډونواله وایي چې دا یوه ډیره تاریخي ورځ ده او دا ورته د لوی ویاړ خبره ده چې کولی شي په داسې هیواد کې دغه سیالي ترسره کړي چې په کې ښځې لا هم د ګڼو حقونو څخه بې برخې پاتې شوي دي.
د کشتي کج نړیوال فدراسیون په یو ټویټ کې لیکلي چې دا به لومړی ځل وي چې سعودي کې دغه ډول سیالي تر سره کیږي.
.@NatbyNature and @LaceyEvansWWE will battle in the first-ever WWE women’s match in Saudi Arabia TODAY at 1 p.m. ET / 8 AST at #WWECrownJewel.https://t.co/mSy8SHmy11 pic.twitter.com/VaVKRYe797
— WWE (@WWE) October 31, 2019
دغه ډول غیږ نیونه چې په کشتي کج مشهوره ده، سره له دې چې د تاوتریخوالي ډکه لوبه ده، ډیری وخت د لوبې او تفریح لپاره تر سره کیږي.
په دې وروستیو کې سعودي عربستان د جنیست په اساس تبعیض ورکولو لپاره د کنسرتونو جوړولو، ښځو ته د موټر چلولو اجازې ورکولو او لوبغالو ته د ښځو په ورتګ بندیز لرې کولو په شان ګامونه اخیستي دي.