د جرمني د دفاع وزیرې ویلي چې په افغانستان کې وروستي پاتې جرمن سرتیري پرون سې شنبه له دغه هیواد څخه په خوندي ډول ووتل.
د جرمني د دفاع وزیرې انګریت کرمپ کارینباور د جون ۲۹ (چنګاښ اتمه) پر خپل ټویټر پاڼه لیکلي چې د ټولو سرتیرو په وتلو سره نن شپه په افغانستان کې د جرمني سرتیرو ۲۰ کلن ماموریت بشپړه شو.
نوموړې د ۲۰۰۱ کال له پيل نه بیا تر دا مهاله په افغانستان کې د خپلو سرتیرو خدمت ستایلی او د لاسته راوړنو ډک یې بللی دی.
Heute Abend haben die letzten Soldatinnen & Soldaten der #Bundeswehr #Afghanistan sicher verlassen. Nach 20 Jahren ist unser intensivster Auslandseinsatz beendet. Mein großer Dank gilt den über 150.000 Männern & Frauen in Uniform, die dort seit 2001 Dienst geleistet haben. 1/3
— A. Kramp-Karrenbauer (@akk) June 29, 2021
تر دې مخکې د جرمني دفاع وزارت ویلي چې خپل ځواکونه به د راتلوونکي جولای میاشتې پر څلورمه له افغانستان څخه وباسي.
جرمني د ۱۱۰۰ سرتیرو په لرلو سره د امریکا د متحده ایالاتو وروسته د نورو هیوادونو په پرتله په افغانستان کې ډیر سرتیري لرل. جرمني سرتیري تر ډیره د افغانستان په شمال بلخ ولایت کې دیره وه.
له افغانستان څخه د امریکايي او نورو بهرنیو سرتیرو د وتلو بهیر د تیرې مۍ میاشتې پر لومړۍ نېټه پيل شو.
د امریکا د ولسمشر جو بایډن د پرېکړې په اساس ټاکل شوې دغه بهیر د راتلوونکي سپټمبر میاشتې تر یوولسمې نېټې بشپړه شي.