یافغان ولسمشر محمد اشرف غني نن دوشنبه د یو لوړ پوړي دولتي پلاوي په مشرۍ کویټ او بیا د قطر په لور وخوځید.
ولسمشر غني به د دغه سفر په مهال یوه لنډه دمه په کویټ کې ولري او هلته به د کویټ د مرحوم پخواني پادشاه شیخ صباح الاحمد الجابر الصباح د فاتحې په مراسمو کې ګډون وکړي.
ولسمشر غني به له کویټ نه قطر ته لاړ شي او هلته به د دوه ورځني سفر په مهال د قطر له امیر، صدراعظم او نورو قطري چارواکو سره د کتنې ترڅنګ د افغان دولت له مذاکراتي پلاوي او د افغانستان د پخلاینې لپاره د امریکا له ځانګړي استازي زلمي خلیلزاد او په افغانستان کې د ناټو او امریکايي ځواکونو له عمومي قوماندان جنرال سکاټ میلر سره هم وګوري.
د ولسمشر غني ویاند صدیق صدیقي د یاد سفر په اړه پر خپل ټویټر لیکلي.
رئیس جمهور غنی، در راس یک هیات عالی رتبه دولتی كه شماري از مسوولان ارشد رسانه های افغانستان وي را همراهي مي كنند، به هدف دیدارهای رسمی رهسپار كويت شد. رييس جمهور پس از اشتراك درمراسم فاتحه امیر فقید کویت، به قطر مي رود و با مقامات قطري در مورد روابط دوجانبه صحبت خواهند کرد.
— Sediq Sediqqi (@SediqSediqqi) October 5, 2020
قطر ته د سفر په دوهمه ورځ به ولسمشر غني د قطر له امیر شیخ تمیم حمد بن ال ثاني سره د پلاویو او یو په یو ناسته هم ولري.
ولسمشر غني پداسې حال کې قطر ته سفر کوي چې د افغان دولت او د طالبانو د مذاکراتي پلاویو ترمنځ په دوحه کې د سولې خبرې روانې دي.