د "هنلي پاسپورټ انډیکس" د نوي راپور له مخې، د افغانستان پاسپورټ په ۲۰۲۵ کال کې یو ځل بیا د نړۍ تر ټولو کم اعتباره پاسپورټ وپېژندل شو.
دغه سازمان چې هر کال د نړۍ هېوادونو ته د بې وېزې سفرونو پر بنسټ د نړۍ د پاسپورټونو اعتبار درجه بندي کوي، یو ځل بیا د سنګاپور پاسپورټ د نړۍ تر ټولو معتبر پاسپورټ اعلان کړ.
د سینګاپور پاسپورټ لرونکي کولی شي د نړۍ له ۲۲۷ هیوادونو او سیمو له جملې څخه ۱۹۵ هیوادونو او سیمو ته له ویزې پرته سفر وکړي؛ پداسې حال کې چې د افغانستان پاسپورټ لرونکي ۲۶ ځایونو ته پرته له ویزې سفر کولی شي چې په عمومي توګه افریقایي هیوادونه دي.
له سنګاپور وروسته، د جاپان پاسپورت د نړۍ ۱۹۳ هیوادونو او سیمو ته له ویزې پرته په سفر کولو سره دویم ځای او د فنلنډ، فرانسې، جرمني، ایټالیا، جنوبي کوریا او اسپانیې پاسپورټونو د نړۍ ۱۹۲ ځایونو ته له ویزې پرته په سفر کولو سره دریم ځای خپل کړی دی.
د متحده ایالاتو پاسپورټ ، د نړۍ ۱۸۶ هیوادونو او سیمو ته د ویزې پرته سفر کولو سره، د هنلي پاسپورټ د جدول په درجه بندۍ کې نهم ځای خپل کړی.
له افغانستان وروسته د سوریې، عراق، یمن او پاکستان پاسپورتونه د جدول په پای کې ځای لري.
د هنلي پاسپورټ جدول بنسټ د پاسپورت د اعتبار د کچې د معلومولو لپاره د "نړیوال هوایی ټرانسپورټ اتحادیې" لخوا د چمتو شويو معلوماتو پراساس هیوادونه درجه بندي کوي.