د افغانستان د بهرنیو چارو سرپرست وزیر له پاکستاني پلاوي سره لیدنه کې له یاد هیواد نه پر افغان خاوري د راکټي بریدونو بندېدو غوښتنه کړې ده.
تېره ورځ د بهرنیو چارو وزارت د مرستیال سهیل محمود په مشرۍ یو پاکستانی پلاوی د «سولې لپاره د افغانستان او پاکستان د سولې پیوستون عمل پلان» په اړه د خبرو لپاره کابل ته سفر وکړ.
د افغانستان د بهرنیو چارو وزارت ویلي چې دواړو لورو په دغه لیدنه کې د نورو مسائلو ترڅنګ د ډیورنډ فرضي کرښې په اوږدو کې پر موجوده ستونزو هم خبرې کړي دي.
د یاد وزارت په اعلامیه کې راغلي:"همدارنګه، د ډیورنډ له کرښې څخه هاخوا د افغانستان په بېلابېلو سیمو د توغندیو ویشتلو په درېدو،د دې هیواد له لوري پخپل سرو تاسیساتو جوړولو درېدل او د دواړو هیوادونو ترمنځ د پولې پر خلاصېدو باندې ټينګار وکړ."
Acting Foreign Minister @MHaneefAtmar welcomed Pakistani Foreign Secretary & his delegation, highlighted Afghanistan%27s strong will to expand bilateral relations. They discussed military-security cooperation, regional connectivity, trade & transport development, & refugee issues. pic.twitter.com/3jye0QJBz9
— MFA Afghanistan 🇦🇫 (@mfa_afghanistan) September 1, 2020
بیان زیاتوي چې دواړو لورو د افغانستان او پاکستان ترمنځ پر پوځي او امنیتي همکاریو هم ټینګار وکړ.
د افغانستان د بهرنیو چارو وزارت همدارنګه ویلي چې د پاکستان د بهرنیو چارو وزارت مرستیال سهیل محمود د دوه اړخیزو اړیکو د پیاوړي کېدو ترڅنګ د افغان حکومت په مشرۍ د سولې له بهیر څخه د خپل هیواد د ملاتړ په اړه ډاډ ورکړ.
د سولې او پیوستون لپاره د افغانستان او پاکستان د عمل پلان د ژمنو تعقیب دوهمه ناسته تېره ورځ په کابل کې د افغانستان د بهرنیو چارو وزارت مرستیال میرویس ناب او د پاکستاني سیال سهیل محمود ترمنځ تر سره شوه.
د افغانستان د بهرنیو چارو وزارت پر داسې مهال له پاکستاني پلاوي څخه پر افغان خاوري د راکټونونو توغولو بندولو غوښتنه کړې ده چې تېره میاشت پر کونړ ولایت د یاد هیواد په راکټي بریدونو کې شااوخوا ۸ تنه ملکي افغانان ووژل شول او یو شمېر نور ټپیان شول.
د افغانستان د ملي امنیت شورا سلاکار د تېرې (چنګاش میاشتې پر۳۰) له کونړ ولایت څخه د لیدنې پرمهال وویل چې یاد راکټي بریدنه به بېځوابه پاتې نشي.
د امنیت شورا لخوا په خپره شوې اعلامیه کې هغه مهال د حمدالله محب له قوله ویل شوي: "دوی باید پوه شي چې نه یې تاسیساتو جوړولو ته اجازه ورکول کېږي او نه یې راکټي حملې بې ځوابه پاتې کېږي."