د عمران خان وینا چې وایي د پاکستان پوځ د شوروي اتحاد ضد ملیشې جوړې کړې وی او اوس ورته ضرورت نه لري، دا بحث پارولې دی چې دغه د پښتون تحفط تحریک دریځ تایدوي.
عمران خان د بهرنو خبریالانو یوې ډلې ته په وینا کې وویل چې د پاکستان پوځ دغه وسله والې ډلې جوړې کړې وې خو اوس د دغو وسله والو ډلو کارولو ته نوره اړتیا نشته او د پاکستان پوځ او استخباراتي اداره د دغو ډلو ختمولو ته پوره ژمن دي.
د پښتون تحفظ تحریک مشر منظور پښتین په دی اړه یو ټویټ وکړ:
Pak PM statement that Pakistan Army created armed militias is surely for International consumption. It is like old wine in a new bottle.Armed gangs are part & parcel of Pak sociology having vast economic empire.#PashtunRejectStateTerrorism pic.twitter.com/z656VyOWnA
— Manzoor Pashteen (@manzoorpashteen) April 10, 2019
"د عمران خان د پوځ په اړه دا وینا چې وسله والې ملیشې یې جوړې کړې وې، بی شکه د نړیوالو د توجو ترلاسه کولو لپاره دي. دا لکه زاړه شراب په نوي جام کې. وسله والې بدمعاشې ډلې پاکستان ته اقتصادي گټې ورکوي."
د پښتون تحفظ تحریک اساس ایښودونکي غړي محسن داوړ په خپل ټویټر ولیکل:
PM IK’s statement about military’s role in creation of militants is an endorsement of PTM’s narrative for which we hv been called traitors, foreign agents & were charged in terrorism cases.All those involved in this bloodshed needs to b make accountable & that’s what PTM demands.
— Mohsin Dawar (@mjdawar) April 10, 2019
"د ترهگرو ډلو د جوړولو په اړه د عمران خان بیان د پي ټي ایم د دریځ تاید دی، چې په کومه وجه مونږ ته غدار ویل شوي، د ترهگرۍ قضیې راباندې شوې او بهرني جاسوسان راته ویل کیږي. هغه ټول کسان چې د دی مسول دي، هغوي ته دی سزا ورکړل شي او همدغه د پي ټي ایم مطالبه ده."
د پاکستان پخواني سناتور افراسیاب خټک په خپل ټویټر ولیکل چې کومه خبره عمران کړي چې هغه منطور پښتین کوي نو هغه ته غدار ویل کیږي.
“The Pakistan Army created militias, “says Imran Khan in his N Y Times interview.If Manzoor Pashteen says this with evidence he is accused of committing treason but if IK points it out in international media he is supposed to be a “statesman”. A classic case of double standards!
— Afrasiab Khattak (@a_siab) April 10, 2019
"عمران خان وایي چې د پاکستان پوځ ملیشې جوړی کړې وې، چې دا خبره منظور پښتین د شواهدو سره کوي نو په هغه د غدارۍ الزام لگول کیږي خو چې عمران خان یې کوي نو دا یوه اعلامیه وي. دا منافقت دی."
د پاکستان یوې بلې سیاستمدارې بشری گوهر هم دغه خبره وکړه. هغې په خپل ټویټر ولیکل
After a loss of 70000 plus precious lives, destruction & displacements—#PuppetPM says ya jo dehshatgardi ha iss ka peecha wardi ha...will those responsible for the suicidal policies be brought to justice? #ManzoorPashteen was labelled #RAW & #NDS agent for saying this... https://t.co/5vwnBXeCKz
— Bushra Gohar (@BushraGohar) April 10, 2019
"د ٧٠،٠٠٠ انسانانو د قیمتي ژوند د بایلولو، د بربادیو او د خلکو د بیکوره کیدو نه وروسته گډاگی صدراعظم وایي چې د ترهگرۍ شاته پوځ ولاړ دی. هم دا خبره چې منظور پښتین کوي نو په هغه خو د افغانستان او د هند لپاره د جاسوسۍ تور لگول شویدی."
دا لمړی ځل نه دی چې صدراعظم عمران خان د وسله والو ډلو او ترهگرو په اړه دا ډول څرگندونې کوي. هغه پخوا هم څو ځل له ویلي دي چې د امریکا په مرسته د ضیالحق د حکومت په وختونو کې د جهاد لپاره دغه ډلې جوړې شویدي.
د پاکستان د پوځ لخوا تر اوسه په دی اړه کومه تبصره نه ده شوې خو پخواني ولسمشر جنرال مشرف په خپل کتاب کې هم د ترهگرو ډلو سره د پوځ د اړیکو په اړه لیکلې دي.