د پاکستان په ټولنېزو رسنېو هغه وخت عمران خان ته د هغه د دریم واده مبارکۍ ورکول پیل شوې (او په پاکستان کې په ټویټر ټرینډ شو) چې د تحریک انصاف گوند د رسمي ټویټر نه د هغه د دریم واده عکسونه خپاره شول.
د تحریک انصاف گوند په خپل رسمي ټویټر لیکلي چې عمران خان نن یعنی د فبرورۍ په اتلسمه نکاح وکړ. خو د جیو خبریال عمر چېمه د عمران خان د هغه د روحاني استادې یا پېرې بشری مانیکا سره د واده خبر درې میاشتې مخکې خپور کړی و خو هغه وخت عمران خان دغه واده تائید نکړ.
The Nikah happened today, Sunday 18th February at around 9:00 PM in the company of close family and friends.#MubarakImranKhan pic.twitter.com/DJWSMH3O6M
— PTI (@PTIofficial) February 18, 2018
د گوند مشرانو او غړو خپل رهبر عمران خان ته د مبارکۍ پیغامونه په خپل ټویټر لیکلې دي.
د تحریک انصاف یو مشر جهانگیر ترین په خپل ټویټر هغه ته مبارکي ویلي او د خوشحاله ژوند دعاگانې یې ورته کړې.
Khan sb, shaadi mubarak ho bohat 😊 I hope & pray that Allah keeps both of you happy for the rest of your lives. Stay blessed 😊 #MubarakImranKhan pic.twitter.com/dTjScmUHIS
— Jahangir Khan Tareen (@JahangirKTareen) February 18, 2018
دا د عمران خان دریم واده دی. هغه د دې نه مخکې په ٢٠١۴ کال کې د یوې پښتنې خبریالې ریحام سره واده کړی و چې شاوخوا یو کال وروسته یې هغې له طلاق ورکړ. د ریحام خان نه مخکې عمران خان په ١٩٩٥ کال کې د برطانیې د جمایما خان سره واده کړی و، عمران خان او جمایمه دوه زامن لري.
یوې خوا ته د عمران خان پلویان هغه ته د واده مبارکۍ ورکوي، له بلې خوا د هغه سیاسي مخالفین په هغه په دی وجه انتقادونه هم کوي چې هغه د خپل روحاني پېرې سره واده کړیدې.
د پاکستان د واکمن گوند عابد شیر علي په خپل ټویټر په هغه سخت انتقادونه کړیدي
Character less leader IK , intruding party worker house 🏡 stealing his wife wow 😳 I guess naya Pakistan 🇵🇰
— AbidSherAli (@AbidSherAli) February 18, 2018