د پاکستان نوي صدراعظم عمران خان هغه وخت په یو ټویټ کې د هند د پخواني لوبغاړي دفاع وکړه چې په هند کې خلکو پاکستان د تگ نه وروسته پرې نیوکې وکړې.
د پاکستان د نوي صدراعظم عمران خان د دندې د لوړې په مراسمو کې د هند د کرکټ یو پخواني لوبغاړي او د پنجاب اوسنې وزیر نوجوت سنگ سدهو هم گډون کړې و چې د هغه دغه کار په هند او پاکستان کې بیلا بیل غبرگون وپارو.
د پاکستان نوی صدراعظم دیته اړ شو چې د سدهو لپاره یو ټویټ وکړي.
ښاغلي خان په خپل ټویټر ولیکل
I want to thank Sidhu for coming to Pakistan for my oath taking. He was an ambassador of peace & was given amazing love & affection by ppl of Pakistan. Those in India who targeted him are doing a gt disservice to peace in the subcontinent - without peace our ppl cannot progress
— Imran Khan (@ImranKhanPTI) August 21, 2018
"زه د سدهو نه مننه کوم چې د لوړې په مراسمو کې د گډون لپاره راغلی و. هغه د سولې پیغام رسونکی و او په پاکستان کې یې خلکو ډیر قدر وکړ. هغه څوک چې هند کې په سدهو انتقادونه کوي. د سولې د لارې خنډ دی. د سولې پرته زمونږ ملکونه پرمختگ نشې کولی."
عمران خان د انتخاباتو د گټلو نه وروسته د پاکستان د کرکټ د لوبغاړو ترڅنگ د هند د کرکټ ځینو پخوانیو لوبغاړو ته هم د گډون بلنه ورکړې وه.
سدهو چې د خان په بلنه یې په دغه مراسمو کې گډون وکړ، او د پاکستان د پوځ مشر ورته پخیر راغلې له وراغی او روغبړ یې ورسره وکړ، په هند کې ځینې خلک غوسه کړې هم دي.
د هند یوې خبریالې په ټویټر په ویډیو کې ویلي چې پاکستان یې دښمن ملک دې او سدهو دې باید بښنه وغواړي
I want Mr Navjot Singh Sidhu to apologize. Pakistan is the enemy and nothing will change that.My take.#SidhuHugRow @sherryontopp #CongBacksSidhu pic.twitter.com/DT0qQ5pcQC
— Tavleen Singh Aroor (@Tavysingh) August 21, 2018
د هند یوې بلې خبریالې تلوین سنگ بیا د هغو خلکو سره مخالف نظر څرگند کړی چې د ښاغلي سدهو د پاکستان د پوځ د لوی درستیز سره په روغبړ یې نیوکې کړیدي. هغه لیکي
This fuss over Sidhu hugging the Pakistani army Chief is embarrassing. Is there no issue more important that should concern us in India? For a big country we always manage to sound like a very small one.
— Tavleen Singh (@tavleen_singh) August 20, 2018
"د سدهو د پاکستان د پوځ د مشر سره په روغبړ لانجه د شرم وړ ده. ایا په هند کې د دې نه زیاته مهمه بله کومه مسله نشته. مونږ یو ډیر لوی ملک یو خو ډیر واړه کارونه کوو"
د یادونونې وړ ده چې ښاغي سدهو د هند په مطبوعاتو او ټولنیزو رسنیو د سخت غبرگون نه وروسته یوې خبرې غونډې ته وویل چې د پاکستان د پوځ د مشر سره روغبړ کول د هغه لپاره یه حساسه لمحه وه. هغه وویل چې پاکستان ته د هند د استاځیتوب لپاره ورغلی و او د منیې په ځواب کې یې مینه څرگنده کړیده.