دا لمړنی ځل دی چې د امریکا ولسمشر ډونالډ ټرمپ او د پاکستان صدراعظم عمران خان په ټویټر په یو بل باندې تورونه لگولي
د پاکستان صدراعظم عمران خان د هغې نه وروسته ټویټ وکړ چې ولسمشر ټرمپ د فاکس ټلویژن سره یوه مرکه وکړه او په هغې کې یې په پاکستان سختې نیوکې وکړې.
د عمران خان او ولسمشر ټرمپ د پرله پسې سختو ټویټونو نه وروسته د سیاسي چارو کارپوهانو دغې لانجې ته بیل بیل عکس العمل وښود.
د امریکا د ولسن څیړنیز مرکز کې د مرکزي اسیا د چارو کارپوه مایکل کگلمین د ولسمشر ټرمپ او عمران خان په لانجې امریکاغږ پښتو ته وویل چې د ولسمشر ټرمپ او خان لانجه د اوسني وختونو دپلوماسي ښیي. هغه وویل" د امریکا او پاکستان مشران په ټویټر لگیا دي، د اړیکو په اړه خبرې کوي. دا به گټه ونه کړي. د دواړو ملکونو د اړیکو د سمولو لپاره دا ضروري ده چې د ټویټر نه لیرې، جدي خبرې وشي."
ښاغلي کگلمین پدی اړه یو ټویټ هم وکړ:
The Trump-Khan Twitter battle is officially on. If this were cricket, I doubt POTUS would stand a chance. https://t.co/eBtdp8lBnR
— Michael Kugelman (@MichaelKugelman) November 19, 2018
"د ټرمپ او عمران خان ټویټر لانجه په رسمي توگه پیل شوې. که چیرې دا کرکټ وی نو ټرمپ به باللې و"
په پاکستان کې د ولسمشر ټرمپ او عمران خان د ټوبټونو په موضوع د څلورو ساعتونو په وخت کې د پنځوسو زرو نه زیات ټویټونه وشو.
عاطف توقیر ولسمشر ټرمپ ته په یو ټویټ کې ولیکل چې پکار نه ده چې د پاکستان عام ولس ته سزا ورکړل شي:
Dear Mr. President! US supported military dictators, helped destruction of civilian institutions. Pakistanis had nothing to do with Cold War and yet US pulled Pak into that by financing “Islamic extremism. Stop supporting those who fool you but don‘t punish the people. #Trump
— Atif Tauqeer (@atifthepoet) November 19, 2018
"ولسمشر ټرمپ، امریکا د پاکستان پوځي دیکتاتورانو ملاتړ کړیدی او د ملکي ادرو ویجاړولو کې یې مرسته کړې. پاکستان د سړې جگړې سره هیڅ اړه نلرله او امریکا د اسلامي ترهگره د قوي کولو سره پاکستان دغې جنگ ته ورټیلوهه. د هغو خلکو سره مرسته مه کوئ چې ستاسو نه احمقه جوړوي خو عام وگړو ته سزا مه ورکوئ"
په افغانستان کې د ولسمشر ټرمپ د پاکستان په هکله درېځ د خلکو ترمنځ محبویت لري. په ټویټر د افغانستان اکثره کارپوهانو او فعالینو د ولسمشر ټرمپ د څرگندونو هرکلې وکړ.
د ټولنیزو رسنیو فعاله حبیبه تسلی په خپل ټویټر لیکي:
I hardly ever agree with him. But he is right in his this tweet! Pakistan is behind the death of many American soldiers. https://t.co/ULZKWB1Prb
— Habiba Ashna (@HTasalla) November 19, 2018
"زه اکثره د ولسمشر ټرمپ سره موافقه نه یم، خو د ټرمپ دا خبره سمه ده. پاکستان د اکثره امریکایي عسکرو د وژنې مسول دی."
د پاکستان په مطبوعاتو کې د عمران خان لخوا ټرمپ ته په سخت ځواب تبصرې وشوې او زیاتره تبصره کونکو د پاکستان صدراعظم وستایه. په پاکستان کې د عمران خان د ملاتړ لپاره په ټویټر یو هیش ټیگ پیل شو چې پاکستان به نور د امریکا لپاره څه وه نکړي.
د جیو ټلویژون خبریال حامد میر په خپل ټویټر په ولسمشر ټرمپ انتقاد وکړ او وې لیکل:
امریکی صدر ٹرمپ نے ایک دفعہ پھر دہشت گردی کیخلاف پاکستان کی قربانیوں کا مذاق اڑایا ٹرمپ کے الزامات کے جواب میں پاکستان کی حکومت اور اپوزیشن کے بیانات کافی ہیں یا انہیں مزید بھی کچھ کرنا چاہئے؟#capitaltalk
— Hamid Mir (@HamidMirPAK) November 19, 2018
"ولسمشر ټرمپ یو ځلې بیا د ترهگرۍ ضد جگړې کې د پاکستان په قربانیو ملنډې کړې. ایا د پاکستان د حکومت او سیاسي مخالفینو ځوابونه پوره دي که پکار ده چې نور هم څه وشي"
د امریکا او پاکستان اړېکې په افغانستان کې د ترهگرۍ ضد جگړې په سر خرابې شویدي. امریکا د پاکستان نه غواړي چې پخپله خاوره د ترهگرو ضد اقدامات وکړي او پاکستان وایي امریکا بی بنیاده تورونه لگوي.