د سره صليب نړيواله کمېټه (ICRC) په افغانستان کې د ناچاوده مهماتو او ماين چاودنو له امله د مرګ ژوبلې زياتېدو په اړه د اندېښنې په ښودلو سره وايي چې هر کال په دغه هيواد کې سلګونه کسان د ماين چاودنو قرباني کيږي.
دغې کمېټې د سې شنبې په ورځ اپرېل څلورمه ( وري ١٥) ويلي چې تېر کال په افغانستان کې د ناچاوده مهماتو او ماين چاودنو ۴۵۰ پيښې ثبت شوي دي.
د دغه کمېټې په وپنا په دغه پېښو کې ۹۹۵ کسانو ته مرګ ژوبله اوښتې ده. د سره صليب کمېټې د وژل شوو او ټپي شوو کسانو کره شمېر نه دى په ډاکه کړى.
دغې ادارې د معلوماتو په اساس په ٢٠٢٢ ميلادي کال کې د دغه چاودنو ٩٧ سلنه قربانيان ملکي وګړي دي چې ۵۶ سلنه يې ماشومان دي.
Every year, hundreds of people in #Afghanistan become victims of landmines and other unexploded ordnance.Together with @ARCSAfghanistan volunteers, we raise awareness of men, women and children to avoid tragic accidents.#IMAD2023 pic.twitter.com/ZZ5iR239Kw
— ICRC Afghanistan (@ICRC_af) April 4, 2023
دا په داسې حال کې ده چې روانه اونۍ دوه ماشومان په ميدان وردګ او يو بل هم په زابل ولايت کې د ناچاوده مهماتو او ماين چاودنو کې ووژل شول.
همدغه راز څه موده مخکې د افغانستان په بېلا بېلو سيمو کې اته ماشومان د ناچاوده مهماتو او ماين په چاودنو کې وژل شوي و.
د ملګرو ملتونو د بشرې مرستو د همغږۍ اداره (اوچا) وايي چې په افغانستان کې د ١٩٨٩ کال را پدېخوا ۵۷زره کسان د ماين او نا چاوده مهماتو په چاودنو کې مړه او ټپىان شوي دي.
دغې ادارې ويلي چې له خپلو همکارو بنسټونو سره په ګډه يې په افغانستان کې څه باندې ١٩ ميليون ماينونه او ناچاوده مهمات پاک کړي دي.
ملګرو ملتونو خبر دارى ورکړى چې افغانستان اوس هم په ماينونو او ناچاوده مهماتو ککړ هيواد دى چې څه باندي ۴۰۱۵۰ ځايونو کې د ماينونو خطر تثبيت شوى دى.
Today, on International Day for Mine Awareness & Assistance in Mine Action, we remember both the lives lost and the lives forever changed by explosive contamination.Since 1989, almost 57K Afghan civilians have been killed or injured by landmines & explosive remnants of war & 1/2 pic.twitter.com/XI4qEwJXcM
— OCHA Afghanistan (@OCHAAfg) April 4, 2023
پدې وروستيو کې په افغانستان کې د "MDC" په نوم د ماين پاکۍ موسسې مشر شهاب حکيمي امريکا غږ ته ویلي وو چې په افغانستان کې د مياشتې له ۱۲۰ څخه تر ۱۲۵ کسان د ماين او ناچاوده مهماتو چاودنو کې مړه او ټپيان کيږي. هغه ويلي وو چې د يادو چاودنو زيات قربانيان ماشومان دي.
تر دې مخکې يونيسف چې په ٢٠٢٢ ميلادي کال کې ٧٠٠ ماشومان په ورته پېښو کې مړه او ياهم ټپيان شوي دي.