په ټویټر هغه وخت د هند د فلمي ستوري امیتابچن مینه وال او تعقیبونکي حیرانه شول چې د هغه د عکس پر ځاې پرې د عمران خان او د پاکستان د بیرغ عکس ولگول شو
د هند یوې خپرونې انډیا ایکسپرس لیکلي چې په ترکیې کې یوې ډلې چې د پاکستان سره مینه لري، د امیتاب بچن د ټویټر اکاونټ هیک کړی و او د هغه د عکس پر ځاې یې پرې د عمران خان عکس لگولی و.
امیتاب بچن په ټویټر یو د تر ټولو زیات تعقیبیدونکی ستوری دی او د ٣٧ ملیونو نه زیات تعقیب لرونکي لري.
د امیتاب د ټویټر د اکاونټ د هیک کیدو په اړه د پاکستان یو خبریال منصور علي خان لمړی ټویټ وکړ. هغه ولیکل:
Indian Actor @SrBachchan (Amitabh Bachchan) account hacked. Imran Khan’s picture posted as profile pic. pic.twitter.com/SLhoocD3YE
— Mansoor Ali Khan (@_Mansoor_Ali) June 10, 2019
د امیتاب بچن د ټویټر د اکاونټ د هیک کیدو خبر په هند او پاکستان کې په څو دقیقو کې د ټویټر ټرینډ جوړ شو او ځینو کسانو پرې ټوکې وکړی.
د امیتاب بچن د ټویټر اکاونټ ډیر ژر وژغورل شو او ځینې هغه ټویټونه چې د هند خلاف ترینه شوي و، لیرې کړل شول.