د جنوري په ۱۱ نېته به د هند او افغانستان ترمنځ په لومړي ځل د دریو شل اوریزو سیالیو لړۍ پیل شي.
هند نن یکشنبه جنوري اوومه (مرغومې۱۷) د دغو سیالیو لپاره د خپلو ۱۶ لوبغاړو نوملړ (سکواډ) اعلان کړ. کپتان یې روهیت شرما دی او بل مشهور لوبغاړی ویرات کوهلي هم په کې لوبه کوي.
د هند د لوبغاړو په نوملړ کې نهه اته توپ وهونکي او اووه توپ اچوونکي شامل دي.
What do you all make of this power-packed T20I squad set to face Afghanistan? 😎#TeamIndia | #INDvAFG | @IDFCFIRSTBank pic.twitter.com/pY2cUPdpHy
— BCCI (@BCCI) January 7, 2024
افغانستان تېره ورځ د ۱۹ لوبغاړو نوملړ خپور کړ. د افغانستان د شل اوریزو سیالیو کپتان راشد خان د ملا عملیات کړي او لا هم لوبو ته برابر نه دی.
ابراهیم ځدران د افغانستان د لوبډلې کپتان ټاکل شوی دی.
د افغانستان کرکټ بورډ په خپل ایکس حساب کې لیکلي دي چې افغان لوبغاړي د هند موهالي ښار ته رسېدلي دي.
AfghanAtalan have arrived in Mohali for their three-match T20I series against India, starting January 11. 🤩#AfghanAtalan | #INDvAFG202324 | @EtisalatAf | @LavaMobile | @IntexBrand pic.twitter.com/dSMVfe0evA
— Afghanistan Cricket Board (@ACBofficials) January 7, 2024
دا لومړی ځل دی چې دا دوه هېوادونه په خپلو کې د دریو شل اوریزو سیالیو دا ډول لوبې کوي. دا لوبې د جنوري په ۱۱، ۱۴ او ۱۷ نېټو کې د هند په دریو بېلا بېلو ښارونو کې کېږي.
دا لوبې داسې مهال کېږي چې د جون په میاشت کې به ۲۰ اوریز نړیوال جام سیالۍ پیلېږي. دا سیالۍ په ویسټ انډیز او امریکا کې دي چې افغانستان هم په کې ګډون کوي.