نږدې دوه ساعته وروسته له هغه چې کاروونکو د فیسبوک او انسټاګرام د بندېدو راپور ورکړ، ددغه ټولنیزو شبکو فعالیت دوباره پیل شوی دی.
د ټولنیزو شبکو د فعالیت د څار وبسایټ (downdetector.com) د معلوماتو له مخې، تر ۳۵۰ زرو ډیرو کسانو د فیسبوک او انسټاګرام خدماتو ته د لاسرسي نه لرلو خبر ورکړی و.
دغو ټولنیزو شبکو ته د امریکا غږ په ګډون د ګڼو مطبوعاتي ادارو لاسرسی هم پرې شوی و.
ځینو کسانو ویلي چې په اروپایي او د جنوبي اسیا په هېوادونو کې هم فیسبوک او انسټاګرام ته لاسرسی نه کېده.
د فیسبوک او انسټاګرام د مالک میټا شرکت ویاند انډي سټون په ایکس (ټویټر) کې دغه اجتماعي شبکو ته د کاروونکو د لاسرسي د پرې کېدو لامل "تخنیکي ستونزه" بللې ده.
Earlier today, a technical issue caused people to have difficulty accessing some of our services. We resolved the issue as quickly as possible for everyone who was impacted, and we apologize for any inconvenience. https://t.co/ybyyAZNAMn
— Andy Stone (@andymstone) March 5, 2024
سټون ددغه ستونزې د پېښېدو په وجه د فیسبوک او انسټاګرام له کاروونکو بخښنه غوښتې ده.
په ۲۰۲۱ کې هم د فیسبوک، انسټاګرام او وټساپ خدمات د څو ساعتونو دپاره بند شوي وواو هغه مهال یې هم لامل په شبکه کې تخنیکي ستونزه ښودل شوې وه شوې وه.