د افغانستان د پخلاینې لپاره د امریکا ځانګړی استازی زلمی خلیلزاد، په متحده عربي اماراتو کې د افغانستان د سولې په تړاو خپلې خبرې ډېر ګټورې بللي.
ښاغلي خلیلزاد ویلې دي چې د افغانانو او نړیوالو شریکانو سره په افغانستان کې د جګړې د پای ته رسولو لپاره د بین الافغاني دایلوګ د هڅونې لپاره دا خبرې ډېرې جوړونکې وې.
Had productive mtgs in UAE w Afghan & intl partners to promote intra-Afghan dialogue towards ending the conflict in #Afghanistan. Grateful to UAE for hosting talks & their commitment to founder’s legacy as Year of Zayed ends & Year of Tolerance begins: https://t.co/7lNaAeErqh
— U.S. Special Representative Zalmay Khalilzad (@US4AfghanPeace) December 19, 2018
ښاغلي خلیلزاد د چهارشنبې په ورځ پر خپل ټوېټر لیکلي:" چې د متحده عربي اماراتو له تعهد او کوربتوب څخه د دغه هېواد د موسس د مراث په توګه مننه کوي، او دا ځکه چې د زور زیاتي کال مخ په پای ته رسېدو دی او د زغم او صبر کال په رابره کېدو دی."
د متحده عربي اماراتو خبري اژانس هم په ابوظبۍ کې د افغانستان د سولې په اړه د طالبانو او د درې واړو هېوادونو د استازو ترمنځ مثبتې او د ټولو د ټولو ښکېلو خواو لپاره ګټورې بللي.
دغه اژانس همدارنګه په متحده عربي اماراتو کې د افغان سولې په اړه د یوې بلې ورته غونډې جوړېدو خبر هم ورکړی، خو دایې نه دي ویلي چې دغه غونډه به کله جوړېږي.
دغه ژانس همدارنګه ویلي چې سعودي عربستان او متحده عربي اماراتو له ولسمشر غني او همدارنګه د امریکا، پاکستان او طالبانو څخه مننه وکړه چې په خپل ګډون سره یې د دغه کنفرانس بریالیتوب یقني کړ.
د افغانستان د پخلاینې لپاره د امریکا ځانګړی استازی زلمی خلیلزاد په ابوظبۍ کې تر دوه ورځنۍ غونډې وروسته نن چهارشنبې پاکستان ته تللی.
د پاکستان د پوځ ویاند اصیف غفور پر خپل ټوېټر ویلي چې "ښاغلي خلیلزاد د پاکستان د پوځ له مشر جنرال قمر جاوید باجوه سره لیدنه کې د افغان سولې او سیمه ییز امنیت په اړه خبرې کړي، خلیلزاد افغان سولې په برخه کې د پاکستان هڅې ستایلي او د پاکستان د پوځ مشر وویل چې، په افغانستان کې سوله د پاکستان لپاره مهمه ده او په سیمه کې د سولې او امنیت لپاره به همکاري وکړي"
H.E Mr Zalmay Khalilzad called on COAS. Regional security and Afg peace process discussed. Visiting dignitary appreciated Pak’s efforts for Afg peace process. COAS reiterated that peace in Afg is imp for Pak and assured cont efforts for bringing peace and stability in the region. pic.twitter.com/GlMWpfm1cJ
— Maj Gen Asif Ghafoor (@OfficialDGISPR) December 19, 2018
ښاغلي خلیلزاد هم نن چهارشنبې پر خپل ټوېټر لیکلي چې له پاکستاني چارواکو سره یې د اوبوظبۍ د غونډې معلومات شریک کړل او نن شپه به په کابل کې له افغان مشرانو سره هم وګوري.
Just met w #Pakistan leaders to update them on the state of play following our meetings in UAE. Looking forward to meeting Afghan leaders in Kabul, #Afghanistan tonight.
— U.S. Special Representative Zalmay Khalilzad (@US4AfghanPeace) December 19, 2018
په ابوظبۍ کې د امریکا، طالبانو سعودي، پاکستان او اماراتو د استازو ترمنځ د افغان سولې په اړه د مخامخ خبرو دوه ورځنۍ غونډه نن پای ته ورسېدل.
وسله والو طالبانو هم نن په یوې اعلامیې کې ویلي چې په ابوظبۍ کې په دغه دوه ورځنۍ غونډه کې له افغانستان څخه د امریکايي ځواکونو پر وتلو، ملکي تلفاتو او بندیانو سره د چلند او خلاصون په اړه خبرې شوي دي.
طالبانو همدارنګه زیاته کړې چې په غه غونډه کې د اوربند، موقت حکومت، انتخاباتو او افغان حکومت سره د مذاکراتو په اړه خبرې نه دي شوي.