د افغانستان د سولې د پاره د امریکا د بهرنیو چارو وزارت خاص استازي ښاغلي زلمی خلیلزاد وايي چې پاکستان قطر او نور هیوادونه چې افغانستان د سولې د بهیر ملگري دي ،باید د طالبانو لخوا دپسرلنیو عملیاتو د اعلان مخالفت او غندنه وکړي
د وسله والو طالبانو ډلې د جمعې په ورځ ویلي وو چې دوي الفتح په نوم پسرلني عملیات د افغانستان په ټولو برخو کې پیلوي.
د افغانستان ولسمشرۍ ماڼۍ د شنبې په ورځ د (وري ۲۴) په یوې اعلامیې کې د طالبانو پسرلني عملیات غندلي او زیاته کړې ده چې د جګړې دوام د هېڅ لوري په ګټه نه دی.
افغان حکومت وايي، طالبان پر داسې مهال عملیات اعلانوي چې د سولې په اړه د افغان حکومت هڅې په «شدت» سره روانې دي او دغه ډله (طالبان) له امریکايي پلاوي سره د سولې په اړه مذاکراتو هم بوخته ده.
ښاغلي خلیلزاد په یو ټویټري پیغام کې خپل دریځ څرگند کړی او ویلي چې دی د امریکا د متحده ایالاتو د استازي په توگه دغه عملیات غندي.
1/6 The Taliban%27s spring offensive announcement is reckless. It is irresponsible to suggest that an increase in violence is warranted because the government announced a security plan. The Afghan people have clearly voiced their desire for peace.
— U.S. Special Representative Zalmay Khalilzad (@US4AfghanPeace) April 12, 2019
ښاغلي خلیلزاد همداشان لیکلي چې ټول اړخونه باید دغه غیر لازمي تاوتریخوالی ودروي او پر ځای یې په بین الافغاني خبرو کې برخه واخلي.
1/6 The Taliban%27s spring offensive announcement is reckless. It is irresponsible to suggest that an increase in violence is warranted because the government announced a security plan. The Afghan people have clearly voiced their desire for peace.
— U.S. Special Representative Zalmay Khalilzad (@US4AfghanPeace) April 12, 2019
ښاغلي خلیلزاد د ټولو افغانانو نه غوښتي چې باید د دې عملیاتو غندنه او مخالفت وکړي.
ښاغلي خلیلزاد چې همدا اوس په افغانستان کې د سولې په هدف د سیمې د هیوادونو په سفر دی ویلي چې وخت د دې تقاضا کوي چې ټول افغانان د یوې روښانې راتلونکې دپاره لاسونه یو کړي.
ارگ د طالبانو هغه ادعا چې وایي د جګړې اعلان یې د افغان حکومت د اعلان په ځواب کې کړی، ناسمه بلې او ویلي یې دي چې "د افغانستان حکومت نه یواځې دا چې د جګړې د پیلولو اعلان یې نه دی کړی، بلکې هغه خنډونه یي چې د سولې پر وړاندې وو له منځه وړي او د جګړې دوام د هېڅ لوري په ګټه نه بولي."
ارگ یو ځل بیا د طالبانو له مشرانو غوښتي چې له جګړې څخه لاس واخلي او له افغان حکومت سره مخامخ د سولې په اړه مذاکراتو ته کښېني.