د امریکا متحده ایالاتو ۳۳ قلمه تاریخي اثار تیره ورځ د یو لړ ځانګړو مراسمو په ترڅ کې په واشنګټن کې افغان سفارت ته وسپارل.
په واشنګټن کې د افغانستان سفارت اعلان کړی چې د دغو اثارو تاریخي قدامت دوهمې او اتمې پېړۍ ته رسیږي او د افغانستان د تاریخي او غني فرهنګ بیانونکي دي.
د دغه سفارت په اعلامیه کې راغلي چې یاد تاریخي اثار به ډير ژر کابل ته انتقال شي او د افغانستان ملي موزیم ته به وسپارل شي.
Ambassador @RoyaRahmani finalized the repatriation of 33 trafficked ancient artifacts back to the care of the Afghan people in a ceremony at the NY DA’s office. The diversity of the 2nd to 8th-century artifacts recovered are reflective of AFG%27s history as a cultural crossroads. pic.twitter.com/bjWEuJjtut
— Afghan Embassy DC (@Embassy_of_AFG) April 20, 2021
په اعلامیه کې راغلي: "د امریکا په متحده ایالاتو کې د افغانستان لوی سفارت د دغو تاریخي اثارو په کشف او نیولو کې له ټولو اړوندو ارګانونو په ځانګړي د نیویارک د سیمې اړوند څارنوالۍ له دفتر او د امریکا د داخلي امنیت له وزارت... څخه مننه کوي."
ویل کیږي د دغه تاریخي اثارو ارزښت دوه میلیون ډالرو ته سیږي.
د افغانستان ملي موزیم هم ویلي چې دغه تاریخي اثار په تیرو کلونو کې د امریکا متحده ایالاتو ته قاچاق شوي دي.