د مالیزیا باچا سلطان محمد د باچاهۍ د تخت د پرښودو اعلان د دوو میاشتو د رخصتیو نه وروسته کړیدی.
د هغه په اړه د تیرو څو اونیو راهیسې داسې اوازې خپرې شوي وي چې د روسیې د یوې پخوانۍ د ښکلا د ملکې سره یې د مینې واده کړی او گونې خپله باچاهي به پریږدي.
د مالیزیا ځینو خبري رسنیو د هغه د واده عکسونه هم خپاره کړي و.
The photos of Malaysian King Sultan Muhammad V’s wedding with Russian beauty Oksana Voevodina in Moscow that have been viralled by puzzling Malaysian netizens via social media pic.twitter.com/VzQlsEmb7K
— Kuala Lumpur Reporter (@KL_Reporter) November 24, 2018
د مالیزیا حکومت د دغه رپورټونو په اړه هیڅ تبصره نده کړی.
د مالیزیا په تاریخ کې دا لمړی ځل دی چې یو پاچا د دورې د پوره کیدو نه مخکې پخپله خوښه باچاهي پریږدي. هغه د مالیزیا ١٥ باچا و او د ٦ جنورۍ نه یې دوره ختمه شوه.
مالیزیا په ١٩٥٧ کال کې د برتانیې نه د خپلواکۍ ترلاسه کولو وروسته پخپل ملک کې قانوني پاچاهت نافذ کړیدی او د دغه ملک نهه ایالتونو مشران په وار وار د پنځو کلونو لپاره د ملک پاچاهي کوي.
د مالیزیا شاهي محل په خپرې شوې اعلامیې کې د سلطان محمد د باچاهۍ د پریښودلو علت ندی لیکلی خو پاچا سلطان د تیرو دوو میاشتو راهیسې د ملک نه بهر و. د هغه د دوو میاشتو د رخصتیۍ نه وروسته د مالیزیا د نهو ایالتونو مشرانو پدی اړه غونډه هم کړي وه.
په تاریخ کې داسې مثالونه موجود دي چې باچاهانو د خپلې مینې نه تخت او دولت قربان کړی وي. د مثال په توگه د انگلستان پخواني باچا ایډورډ (اتم) او د مکاو شهزاده هم د خپلې مینې نه تخت قربان کړی و.