د پښتون تحفظ مشر منظور پښتین د پاکستان حکومت هغه پریکړه غندلې ده چې وزیرستان د پارلمان د غړیو علي وزیر او محسن داوړ د ملک نه د باندې په وتلو یې بندیز لگولی.
منظور پښتین د پاکستان د حکومت د اعلان نه وروسته په خپل ټویټر ولیکل
Restrictions on the mobility of Ali wazir and Mohsin dawer show the undemocratic attitude of the state. It seems that state laws are being used against political people to strangulate their dissenting voices.#PashtunRejectStateTerrorism #AbolishECL#PTM
— Manzoor Pashteen (@manzoorpashteen) December 19, 2018
"د محسن داوړ او علي وزیر په گرځیدو بندیز لگول د حکومت غیر جمهوري چلند څرگندوي. داسې ښیي چې حکومت د خپلو مخالفینو ضد د قانون نه گټه پورته کوي"
د پاکستان د پارلمان په دغو دواړه غړو چې د پښتون تحفظ تحریک اساس ایښودونکي غړي هم دي، د تحریک د فعالیتونو له کبله پرې بندیزونه لگول کیږي.
د یادونې وړ ده چې د دې نه مخکې د تحریک په طرفدارانو گلالۍ اسماعیل او حیات پریغل هم دغه ډول بندیز لگول شویدی.
د پیښې په هکله محسن داوړ هم یو ټویټ وکړ، هغه ولیکل:
So the puppet federal cabinet lead by @ImranKhanPTI after d pressure of “Boots” has finally included our names on ECL for a reason which d interior minister of state along wd his team was unable to explain. This act wouldn’t hv been that much easy even in Martial Law.#Sharamnak
— Mohsin Dawar (@mjdawar) December 19, 2018
"دی گډاگي فیډرالي کابینې چې عمران خان یې مشر دی، د پوځ د فشار نه وروسته زمونږ نومونه په هغه لسټ کې واچول چې د ملک نه د باندې نشي وتلی. د کورنیو چارو وزیر هم دغه اقدام نشې تشریح کولی. دا کار د پوځي حکومت په وخت کې هم دومره اسانه نه و "
د پاکستان د حکومت د دغه پریکړې نه وروسته د پاکستان د حقونو فعالینو دغه پریکړه غندلي ده.
حکومت تروسه پورې پدی اړه څه ندي ویلي چې د دغه کسانو نومونه یې ولې په بندیز لسټ کې اچولي دي خو د پښتون تحریک د صوابۍ د غونډې نه وروسته په گډون کونکو قضیه ثبت شوي وه.